اقتباس:
بتمنى ومن كل قلبي
انو يصير ربع هالكلام بس مو كلو
واذا الجولان بدو يرجعلي عن طريق معاهدة سلام
فما بدي يا
ومتل ما قال حافظ الاسد
ما اخذ بالقوة لا يرد الا بالقوة
|
سلام؟؟
لاء انا مو هاد اللي حكيتو
ما بظن انو تكون الصفقة هية معاهدة سلام سورية اسرائيلية
بس انا شايف انو الصفقة ممكن و(بقول ممكن لاني ماني زيادة متوقع يصير هالحكي) تكون استرجاع الاراضي السورية المحتلة واعادة اللاجئين الفلسطينيين لارضهون مقابل انو سوريا تهدي الاوضاع بالشرق الاوسط
وكلنا منعرف انو سوريا بتقدر تهدي الاوضاع بالشرق الاوسط خلال يوم او يومين
بس سبق وقلت هالحكي عن جورج بوش واولمرت التنين ما بيفقهو بالسياسة شي
تنيناتهون عنيدين وراسهون يابس وما بيفهمو الا بالقوة
هني بيعرفو انو سوريا هية المفتاح للسلام بالشرق الاوسط بس بدهون ياها تصف لجنبهون بالقوة
وهالشي ما عم يمشي حالو معهون
بس برأيي اولا او اخرا رح يكون في صفقة مع سوريا, وغير هيك ما رح تهدا الاوضاع بالشرق الاوسط
الاتحاد الاوروبي عرف هالشي ومتل ما ملاحظين انو بلش يتحاور مع سوريا.