الأكراد متضطهدين .. وهادا شي ما بدو تنين يحكوا فيه .. ومتل ما حكى ياس الأسر الكردية الموجودة بالشام مانها مقياس ..الأكراد اللي بالجزيرة تعرضوا لمجازر شنيعة من حكومة البعث ..وتعذبوا كتير .. وفي فكرة أساسية انو المواطن الكردي عليه معظم واجبات المواطن السوري بس ما عندو غير شي بسيط من حقوق المواطن السوري والجنسية أبسط وأهم مثال.. يعني شو هالمنطق.. وبالمناسبة أنا مع فكرة احتواء الأكراد في حزب يمثلهم (في حال أصبحت فكرة التعدديات المطروحة والمتوقعة قيد التنفيذ) لأنو هالشي رح يخفف من شعور الاضطهاد اللي عم يشعرو فيه ..ورح يشكل هيئة رسمية تطالب بحقوقهم وطبعا" لازم تكون منتخبة من قبلهم ومو محطوطة سلفا" من قبل حكومة البعث .. وهلاشي لازم يكون بجميع الأحزاب اللي رح تتشكل في حال تم تطبيق وعود حكومة البعث.. لأنو الأحزاب اللي رح تتشكل اذا كانت موضوعة سلفا" (وهذا متوقع) من قبل حكومة البعث فماراح نستفيد شي غير من تعددية وهمية تصب في منظور وطريق واحد هو طريق البعث المكلل بالفشل على مستوى الحياة السياسية...
ومرة تانية مشان موضوع الأكراد اهم شي أنو لازم يتم منحون الجنسية .. وأنا متأكد انو في حال تم ذلك رح تخف أعمال الشغب اللي عم يقوموا فيها ، تدريجيا" حتى تنتهي تماما" بس يحوا أنو فعلا" أصبحوا مثلهم مثل المواطن السوري ..
..غنــــي قلــــــيلا يـــا عصـــافير فأنــي... كلمـــا فكــــرت في أمــــــر بكـــيت ..