اقتباس:
والله انا وم خلال معايشتي للاكرادلقيت انو عايشين احلى عيشة
ومو متل ما عم يحكو انو هني مضطهدين
يعني انا اكتر اصدقائي من الاكراد وما كانوا راضين عن الي صار وقت مشكلة الاكراد
لانو كان في اجحاف بحق الحكومة وقتها من قبل الاكراد
|
حقيقة ما أعرف يالضبط وين ساكن, بس أنا عاشرت الأكراد كوني عشت بالجزيرة السورية , و في فرق بين أنو تشوف عيلة كردية ساكنة بالشام مثلا, و بين مناطق تواجدهم المكثف ( منطقة الحسكة, القامشلي , عين العرب, تل أبيض)
بالحقيقة هون لازم تشوف كيف التمييز يكون, شي مذل فعلا
أول شغلة أنو الأغلبية مجردين حتى من الجنسية من أيام الجرد العام سنة 1962 وعلى فكرة, حزب البعث عارض أول شي نتائج هالجرد بس بعدين ما صلح الموقف لما استلم الحكم.
بمنطقة الحسكة في قرى كاملة جميع سكانها أكراد , و أسامي هالقرى كردية طول عمرها , أجت الحكومة غيرت الأسامي و حطت اسامي فعلا استفزازية من قبل ( العروبة, القادسية, اليرموك...) يعني مثلا بيقبلو الأخوة المسيحية أنو أي قرية مسيحية من قرى حمص مثلا يجو يسموها عمر بن الخطاب؟؟!!!
لما انبنى سد الفرات, القبائل العربية اللي كانت ساكنة بالمنطقة اللي انغمرت بمياه البحيرة ( عشيرة الولدة خصوصا) فقدت أراضي زراعية... الحكومة السورية عوضتهم بأنو أعطتهم قرى و أراضي كردية شاسعة جدا ( نظرية الطوق العربي....شغل رفعت) , أغلب هالأكراد فقدو أراضيهم و رحلوهون بالغصب, تلقى ولادهون هلأ بيشتغلو بويجية بشوارع حلب.
الأكراد ممنوع يعلمو لغتهون, ممنوع يفتحو مدارس كردية ( الأرمن فيهون , مثلا) و مو بس هيك, قليلين جدا ينقبلو بمدارس الدولة لأنو بكل بساطة حتى هوية ما عندون