اقتباس:
|
وانا ضد انو يقوماحزاب على اسس عرقية وطائفية
|
أكيد مبدئيا الأحزاب الطائفية و العرقية مرفوضة تماما....هاد رأي
بس لاحظ أنو اذا تطبق هالأمر بحذافيرو كمان بدك تلغي الأحزاب العروبية........
أنا برأيي الأنسب بالنسبة للموزاييك السياسي السوري الحالي هوي أنو تسمح للأحزاب من كل الأطياف طالما انها دستورية ( القصد : مافي نزعات انفصالية في حال الأحزاب العرقية, و ما تكون أحزاب متشددة بالنسبة للأحزاب الدينية).
يعني مثلا لاحظ أنو السماح بحزب كردي معتدل مثل حزب يكيتي راح يساعد على أنو الأكراد ينخرطو بالعمل السياسي السوري و أنو يندمجو بالمجتمع السوري أكتر, هالشي راح يخفف من النزعة الانفصالية الموجودة و اللي أساسها هوي الشعور بالانعزال, و بالعكس منع هالأحزاب ممكن يكون ضار كمان, أنا أفضل ألف مرة أنو الشخص يمارس حرية رأيو تحت قبة البرلمان على أنو يشوف حالو مجبر يعمل شغب و كذا مشان يلفت الانتباه.
و نفس الشي بالنسبة للأحزاب الدينية, يعني اذا افترضنا أنو الأخوان ما عطيتون ترخيص لحزب, هل يا ترى هالشي يعني أنو ما راح يكونو موجودين, بالعكس لما تعطيه ترخيص و يكون عندو نواب و يشارك بالانتخاب راح تجبرو أنو يكون قانوني....