[Jory]

مرحباااا

لكن سؤالي هوو:
عندما يدعو المرء آخرين إلى دينه، هل السبيل إلى ذلك هو نفي الدين الآخر أم إبراز صلاح الدين المبشر به؟

أهلا يا أستاذي ..


لا مو جذيه ..

ليش تفهموني غلط .. من قال إني أبي أسيء لكم ..

أصلا أنا ديني يمنعني أسيء لكم .. وفيه آية بالقران معناها جذيه .. بس ما أذكرها الحين ..

وأنا شفت بعض المواضيع وأنتم تتكلمون مع المسلمين .. وصراحة إنقهرت من قلب ,,

يعني كان شبه تقريبا المواضيع كلها طقاق .. وكل واحد أخذها مسبة في الثاني ..

والله قهر ليش جذية ؟؟

بعدين أنا أحس إنكم لما تقرون موضوعي أو أي موضوع .. أحس إنكم ما تتععمقون في الموضوع ..

يعني ما تفكرون .. وما تقولون إن شالله نسلم إذا عرفنا إن الإسلام صح ..

أحس إنكم كذا ما تبون تسلمون حتى لو عرفتوا إنه صدج وهذا خطر يا إخواني عليكم ..

يعني أرجوكم الحين قولوا لأنفسكم ما في أي مانع إنكم تصبحون مسلمين ؟؟ وحاولوا إنكم تدورون وتسألون .. مو تعرضون . . .

وشي ثاني .. (( أحس إن بعضكم يوم شاف معاملة مو كويسة من المسلمين أخذها على مبدأ التحدي

وإنه مستحيل يصير مسلم .. ))

وأنا أعترف وأقر إني يوم تصفحت المنتدى في مسلمين .. يعني تطاولوا شوي وتحمسوا وعصبوا ..

ومدري وشو عليكم ..

هذي حقيقة وأنا مسلمة وأنا أقر إن اللي سووه غلط ..
لكن غلط إنكم خلاص عشانهم ما تبون تسلمون وتعرضون ..



الله يهديك يا أستاذي ..

انا بدي اسال انو شو هالدين هادا يلي بيلبي الحاجة الجسدية اكتر من الناحية الروحية و يلي هي الاهم
يعني شو هالدين يلي الرجال فيه يتزوج 4 فيه بس فهموني

هلا يا حلاااا ..

أخبارك ..

سؤالك عن
ليش الرجال يتزوج أربعة ؟؟

أوكي ..


يا عزيزتي أتمنى إنك موب عشان هذا الأمر .. يعني لا قدر الله تكرهين الإسلام
أنا أدري إنو البنت يضايقها هالشي ,انا بنت ومسلمة وأحس مثلك ..
لكن في أشياء كثيرة ما ندري عن حكمتها .. وترا الشيطان ياخذك من هالناحية
ويحاول يبعدك عن الإسلام ..

وأنا قريت مرة إن فيه فبلد من البلاد الغي مسلمة من زمان .. إن الرجال يقول الحمد لله يارب إنك ما خليتني أنثى .. لأنهم كانوا يهينون الأنثى ..

بس الإسلام لا .. ما يهينها لأن اللي خلق الأنثى الله والله أعلم بالأنثى من نفسها ..

عشان كذا أنا موكلة أمري لله .. وبعدين إن الله ضرب للمؤمنين .. مثال في القران .. إمرأة أسلمت
(( إمرأة فرعون ))

فصارت قصتها قرءانا يتلى إلى يوم الدين .. وصارت مثال (( للمؤمنين والمؤمنات )) .. وهي إمراة ..

الناحية الروحية

ياليتك تعرفين عن السعادة اللي يشعر فيها قوي الإيمان ..

ياليتك .. ..


والله يا عزيزتي إنك لما تسلمين وتقوين إيمانك راح تحسين بسعادة يمكن ما أقدر أوصفها

يعني أتمنى إنها تنكتب عشان أكتبها لكم .. طبعا سعادة جوا قلبك تحسين قلبك منشرح




خاصة إذا كنت في الصلاة إحساس رائع يا إختي طمأنينة وسكينة .. والله العظيم

جوري مش في عنكو سورة بالقران اعتقد بتبدا "بالحمد لله"!!! شو الله بيشكر حالة

مرحبا بشارة ..

عندنا صورة تبدأ بالحمد لله وهي سورة الفاتحة وسورة الكهف .. ويمكن فيه سورة

أخرى ما ذكرتها ..
وفيه سورة بالقران تبدأ (( سبح لله ))
ما شاء الله عليك معلوماتك ممتازة

شو الله بيشكر حالة

أخي العزيز .. باين إنك تحب الملاحظات وهذي صفة رائعة .. لكنها إنتبه إنها تصرفك عن الخير ..

وأنت إذا وجدت مثل هذي الأمور في نفسك .. تستطيع تكلم على شيخ .. وإسأله قل ياشيخ أنا مسيحي

وأحب أسألك بعض الأسئلة عن الإسلام .. وإسأله .. وصدقني راح يتجاوب معك ويعاونك ..


لأنك أنت ماتعرف وش الله يعني بقوله (( الحمد لله ))

ولا أنا

وانا شخصيا ما أحب إني أتفلسف وأقول شي ماعندي خلفية عنه (( خاصة في الدين )) ..


لكن إسأل .. وانتبه تكون مثل هذي الأمور تمنعك من الدخول في الدين الإسلامي ..


وأنا أحب أضيف وأتمنى هذا ما يضايقك ..

إن أحد الكفار في عهد النبي وأغلب ظني (( أبو لهب ))

لما سمع القران .. طبعا كلنا نعرف العرب قد ايش فصاحتهم المهم لما سمع القران

يعني عرف إنو مو كلام بشر .... وجلس مدة طويله يفكر .. ويقدر ومدري شنو ..

وبالأخير لما سألوه قومه قال هذا سحر ‍‍‍‍‍‍‍‍‍‍ومات كافر
(( لأنه أصلا كان معرض عن الحق .. مايبيه سواء ثبت عنده إنه حق أو لا مايبيه ))

وخالد بن الوليد قبل ما أسلم كان يحس في القران .. حلاوة ولما إدعى مسيلمة النبوة

راح له خالد وقال : سمعني وراح يقرا مسيلمة

(( تعرف سورة والعاديات ضبحا ))

مسيلمة يبي يسوي مثلها صار يقول .. والطاحنات طحنا والخابزات خبزا

راح قام خالد بن الوليد رضي الله عنه وقال : والله ماهذا كذاك (( يقصد القران ))

(( هذي لإضافتي أتمنى إنها ما أزعجتك ))

انا قادم واتمنى ان تحسن القرآءة

مرحبااااا محبة .. كلي اذان صاغية للي تبي تقوله

لا ان تتعصب كما يفعل غيرك

ولا يهمدج مني متعصبة أنا ..

وأنا أطلب منك بعد أنت إندج ما تتعصب

فالإعتراف بالغلط فضيلة

اي والله صدقت .. الإعتراف فضيلة ..

بس تصدق.. أنا عندي طبع غريب اللي هو أنا شخصيا لما اخطأ أحب أعترف بخطأي بأعلى صوت عندي ..

وأقول بكل شجاعة أنا أخطأت ,,

لكن لما أي أحد يخطي .. ما أحب الاعتراف له .. يعني ما أحب يعترف لي بخطأه .. أنا أحب وأحاول إنه يعرف خطأه .. ويصححه وهذي أهم شي

.. لكن إنه يعترف .. بمعنى الإعتراف .. أنا قلبي ما يطاوعني أخليه جذيه ..

......... سلامي للجميع ...





صديقة الجميع جوري