[oliver68]

صديقي the light، إنتي أسلوبك ما بيختلف عن أسلوب سعيد محمد، يعني لاتزعل من هالكلمة، تنيناتكن نفس الأسلوب و الاتجاه، بس بوجهات نظر مختلفة، أنا ما بدي نزه الخلفاء، بالعكس في منن كتير سبب هزايمنا، بالذات العثمانيين، بس كمان عمر بن الخطاب كلنا منعرف كيف عاشوا العالم بزمنو، ما كان لا في إكراه و لا إجبار، و كلشي بتسمعو من معلومات قمعية عن عمر بن الخطاب هوي من أمثال محمد سعيد و الشيوخ اللي عمبعلموا و يعلموا غيرو، بطالعوا هالإشاعات مشان يبرروا تطرفن و عنصريتن، بس كلشي بيحكوا غلط بغلط، بعدين صلاح الدين كمان الكل بيعرف كيف حكم القدس و كيف عامل سكانها مهما كان دينن، لك حتى الصليبيين عاملن منيح، و بنصحك تشوف فلم kingdom of heaven لأن ورجاك حقيقة اللي صار بدون نزعة عنصرية و تطرفية، بس كنت بتمى من واحد فهمان و واعي متلك ما يطلع منو هيك حكي، لأنك أكبر و أعقل من إنو تصدق الشيوخ و غسالين الدماغ، أنا مابدي دافع عن حدا أو عن أي مذهب، بس بدي إحكي التاريخ الصح، اللي حتى الغرب بيعترف فيه.