اقتباس:
|
ودعا الرجل الثاني بالقاعدة في التسجيل الجديد إلى إقامة تحالف لكل من وصفهم بالمستضعفين في الأرض، ودعاهم لمواجهة الظلم والطغيان "حتى تُرد الحقوق لأصحابها ويسقط رمز الظلم في تاريخ بني البشر".
|
شوفو التناقض هون بدو يعمل تحالف لكل المستضعفين بالأرض.. ويرد الحقوق ..:
وهو أول شي دعا بعنصرية أنو المسيحية كلهم صليبيين .. بما معناه انو ما بيفهم بالحقوق وبالانسان وبحرية الاعتقاد ..
وتاني شي الظلم اللي بحكي عنو عم بستخدمو على أي حدا مو عاجبو أو بنتمي لطائفة تانية بالعنف والقتل (يعني تنظيم القاعدة اساليبو صارت معروفة )..
وكمثال تفجير الفنادق بالأردن واللي راح فيها ضحايا كتير كلهم مدنيين وأغلبهم مسلمين بحفل زفاف ، وموت المخرج مصطفى العقاد هو وابنته.
وتالت شي هالمستضعفين ما في منهم ناس مسيحيين أو صليبيين متل ما بسميهم يعني..
المستضعفين في الأرض هم من كافة الأجناس والاديان ..
واذا استلم واحد عنصري متلو هل حينصف اللي من غير ملتو أو من غير دينو .. أكيد راح يقتل ويهجر ويعذب...
طول ما العرب حاويين ناس متل هيك ما عمرهم بصيرلهم قيمة أو بتنردلهم حقوق ..
كل جنون بينكتب بالدم ..