اقتباس:
|
ونفى شعوره بعدم ارتياح من جراء وصف بعض الدوائر الاميركية اياه بـ" الديكتاتور"، موضحا انه سيشعر بعدم ارتياح فقط اذا ما صدر هذا الاتهام عن الشعب السوري. وأكد انه لم يصل الى السلطة من طريق انقلاب عسكري. وقال: "من يتهمونني بانني ديكتاتور يستهدفون النظام السياسي السوري". واضاف انه "لولا التدخلات الخارجية لقطعنا شوطا كبيرا في عملية الاصلاح".
|
لا اعتقد ان من الشعب السوري اي اغلبية او نسبة مئوية عليها القيمة ترى بالرئيس بشار او بالحكومة الحالية اي نوع من الدكتتورية وهذا ليس من باب الخوف .. فشبح الخوف ولاااا .. لكن هذا واقع يجب فهمه بأمانة من كل المعارضين بالداخل والخارج ويجب اخذو بعين الإعتبار جدا !!
اما طريقة وصولو للسلطة .. انا لي مأخذ انه اشار للإنقلاب العسكري على انه خطأ ..
هو في الوقت الحالي خطأ لكن في منتصفات القرن الفائت كان هو الحل الأمثل (نظريا) لنهوض بالبلاد ..
فالديمقراطية اركان .. ليست ثوب او رداء منشتريه ومنلبسو ..
وفي حال عدم وجود مقومات للديمقراطية فأي تطبيق ليها حيكون عواقبه اكبر من محاسنه ..
حتى اليوم الي احنا فيه بعتقد تطبيق الديمقراطية بدولة متل سوريا او بكثير من الدول العربية حتى .. كارثة سياسية بكل المقاييس ..
يعني عندك الشعب العربي لو فلتوووووووو
وقلتلو في هيفاء وهبي مرشحة حالها لمنصب امانة جامعة الدول العربية -
فتأكد انو حتنجح وبجدارة ..
هيك شعب .. خطأ بكل المقاييس انك تعطيه ديمقراطية ..
يعني واحد مغمى عليه بيقدر يتزوج شي ؟؟؟ قلي ..
شعب ما بحياتو فكر لأبعد من شو بدو يتغدى هذا كيف بدك ياه يعرف شو مصلحة البلد ووين مصلحة البلد !!
الديمقراطية ما حل .. الحل هو" الديمقراطية المركيزة الديكتاتورية "
............. وعلى فكرة ما في تناقض بالعبارة هيي هيك .. هيئة دكتاتورية في ظاهرها ديمقراطية مركزية من باطنها .. وهي الحل الوحيد الي بيقدر ينهض بسوريا وبغيرها من الدول العربية ..
اقتباس:
|
وتساءل: "أين هم حين ينادون بالديموقراطية في المنطقة مما شهده سجن أبو غريب من فظائع؟ وهل ما حدث هناك ديموقراطية؟ (...) ان من احتلوا العراق بذريعة الديموقراطية عاجزون حتى عن توفير الماء والكهرباء للشعب العراقي، فهل هذه هي الديموقراطية؟... هل ما يجري في سجن غوانتانامو وفي افغانستان ديموقراطية؟".
|
لي مأخذ هنا ايضا ان الخطأ لا يبرر الخطأ ..
واعمال الجيوش ليست مقياس للحكومات .. الحكومة شي والجيش شي تاني سواء بسوريا ولا باميركا ولا بالصين .. هيي هيك ..
هذا جيش !!
غير هيك ما كان في داعي للإشارة لموضوع سجون ابو غريب لما سجونا اسوأ من ابو غريب ولا في داعي للإشارة للجيش الأمريكي بالعراق لانو جيوشنا بلبنان ما كانت احسن بنووووووووب..
يعني يا سيادة الرئيس خانتك البديهة بكتر نقاط بهال المقابلة
اقتباس:
|
وسئل الاسد عن الخلافات الحدودية مع تركيا في اقليم اسكندرون والمياه، فأجاب: "انني افضل الا نتطرق الى هذه المواضيع التي اثيرت سنوات طويلة"، مشددا على ضرورة ان تكون هناك علاقات سليمة اول الامر، وتعظيم للجوانب الايجابية في هذه العلاقات، مما يؤدي الى ازالة كل المواضيع السلبية".
|
هاي حبيتها ..
هيك موضوع منيح الي ما انحكا فيه .. ما مفروض نفتح جبهة _ولو حوارية او فكرية_جديدة بهال الوقت ..
كما اني بحيي نظام عدم اتخاز قرارات اعتباطية ..
وطبعا كان الكلام بهال الموضوع سواء ايجابا او سلبا حيكون قرار
وهيك قرارات بدها دراسة ومستشارين و و و و ..
فجيد انك فضلت عدم الخوض بهال الموضوع
ردا على رد yass
اقتباس:
|
و هل وصل الى الحكم عن طريق انتخابات حرة و نزيهة و متعددة المرشحين؟ لقد تم تعديل أحد المبادئ الأساسية في الدستور السوري خلال ثوان معدودة لكي يتمكن من الوصول الى الحكم....مهزلة دستورية أشعر بالخجل منها كلما تذكرتها
|
اي صح في غلط وغلط كبير تم ..
بس الي صار من مبدأ الكحل افضل من العمى !!
يعني لو ما تم هيك شو كان حيصير !؟
كان بدك يصير انتخابات مو .. انتخابات ديمقراطية ...
حلو كتير .. مين برأيك حيرشح حالو وقتها !
ويمن برأيك كان الشعب عندو قدرة يختارو ؟
الشعب السوري بتلك المرحلة بيعرف شخص واحد بسوريا كلها هو حافط الأسد ...
لا في احزاب
ولا في محاضر ومجامع علمية على صعيد جماهيري
ولا في مجامع ادبية او فكرية حتى علي صعيد جماهيري
ولا في اي موسسات غير حكومية قائمة (بطابع جماهيري )
يعني لو صار والتقى حدى يرشح حالو شلون بدي نقي انتخبو ولا ما انتخبو وانا اساسا لا بعرفو ولا سامع فيه بحياتي ولا بعرف شو ممكن يكون ؟؟؟؟؟؟؟؟؟؟؟؟؟؟
هاذا لو كان في ناس جيدين فعلا ورشحو حالون
بالوقت طبعا الي كان لو كان حيرشح حالو حتما وقطعا
هم ناس الحرس القديم
هم الوحيدين الي عندهم النفوز الكافي
القدرة المادية للحملة الإنتخابية
القدرة ولو بطريقة او اخرى على توصيل برنامجهم واقناع الناس به ...
يعني الي صار هو الحل الأمثل الوحيد ..
ما كان بينفع يصير غير هيك ..
(هذا لو استثنينا مشروع استيراد شي رئيس من برات سوريا !!)
اقتباس:
|
تركيا تحتل من الأراضي السورية أكثر مما تحتله اسرائيل مثلا, و رئيس دولتي يتنازل عن جزء من أرضي لدولة محتلة و بدون مقابل....حتى الكلمات تهرب من عقلي خوفا من الأمن العسكري, يا ويلاه
|
وانا عم قول شو كان ناقصنا !!!!
ناقصنا بس نفتح لسا جبهة مع تركيا منشان تكمل ؟؟
بالغرب جبهة مع لبنان واللبنانية والمعارضة و و و
بالجنوب اسرائيل وجبهتها ...
وبالغرب جبهة العراق وامريكا
ومن عند الله نازللتلنا الأمم المتحدة بمظلات امريكية ..
فاضل كان جبهة مع تركيا وبتكمل هيك ...
يا حبب القلب الرئيس ترك الموضوع عالق لانو مافي وارد نفتح جبهة مع تركيا هلق ولحق على قطع كهربا وميي واحنا من غير دف عم نرقص
اما في ما يخص موضوع الطائفية
اي صحيح في اغلبية من الظباط بالجيش علوي
وفي عدد لا بأس به من ذوي النفوز بالدولة من العلويي
بس بكفة اخرى
التشكيلة الوزارية , مجلس الشعب, المستشارين ,.... (وهاي اهم الأركان طبعا .. ) العلوية فيها اقلية فعلا !!
وبموضوع الطائفية ما بيطلع لحدى يحكي عل سوريا فيها بولا شي ..
سوريا مانها يوتوبيا بس لو قارنتها بلبنان .. بمصر.. بالسودان .. بالجزائر.. بأي دولة عربية .. او حتى اجنبية لو بدك بتطلع يوتوبيا دينية سوريا ..
في انسجام معقول ومضري جدا .. اي نعم ما شيئ فظيع جدا لكن من احسن احسن احسن صيغ الإنسجام الديني موجودة بسوريا ..
رد على رد minime1967
اقتباس:
|
يعني سلخو توليفة من أسوء العالم من كل طائفة
|
اي فعلا ...
لانو هني متقصدين يخربو البلد .. ----- تار قديم بين الحكومة والشعب .. ------
لكن هيك
هني جكر بالله بدون ينزعو البلد
قام شو عملو
راحو سلخو توليفة من اوسخ ناس ورزعوهم بسدة الوزارات والحكم ..
....
حاجي عاد حاجي حكي بهلواني .. __ وبهلواني تعود على الكلام وليس المتكلم .. مع احترامي الشديد___
شو هال الحكي الي ما بيدخل بعقل .. انو بالله الحكومة شو مبتغاها وغايتها لحتى اتحط ناس وسخة بالوزرات !!؟؟
والله عم شقلبها بالطول بالعرض ما عم تظبط معي ...
اقتباس:
|
البقعة اللي تقريبا علوية بحتة هي الحرس الجمهوري اللي رح يكون على أيدون أخرتنا ..
|
هلق انت لو عندك سر مثلا .. لمين بتحكيه ..
.. الطبيعي انو بتحكيه لصديقك لأخوك .. لقريبك
طيب..
اذا انتا بدك اتأمن على حياتك لشخص .. مين يعني حتختار مثلا
معقو تختارني انا !! اتأمني على حياتك ؟؟
ليش يا عمي بتعرفني شي ..
بعرفك شي ..
طيب ..
انشاء الله هيك بتطلع مان لبلاد الفرنجة وبترجعلنا زعيم كبير او مليونير كبير ..
وبكلى الحالتين بدو يكون عندك بدي غاردز وزلومة تبعك ..
يعني هدول مثلا من وين برأيك انو ممكن اتجيبهم (هدول ناس حيئتمنو ويأمنو حياتك وسرك ..)
الطبيعي والمنطقي يكونو من جماعتك ..
شو ما كان ملتها
يعني قرايبينك .. ولاد عشيرتك .. ولاد جيرانك بالحارة .. ولاد دينك .. ما بعرف
بس ما بقدر افهم انو الحرس الجمهوري بأي دولة ما يكون هوي من المقربين جدا ومن حاشية الحكم القريبة جدا جدا جدا ..
وما شايف في غلط بالموضوع !!
بالعكس هدول حاشية ..
يعني بإنهيار رأس الهرم بينهارو ..
لا بيقدمو ولا بيأخرو _بعدم وجود رأس الهرم_
ومهتمهم في حال وجود رأس الهرم ..
هي المحافظة على استقارره وحفظ سره وامنه وحياته و و و و..
كمان جربت شقلبها
بالطول مرة
وبالعرض مرة
كمان ما ظبطت معي بطريقة غير الطريقة الحالية !!
العين الي قاومت المخرز امبارح .. وبعدها عم بتقاومو لليوم .. بكرا بدها تقلعو !