اقتباس:
|
كاتب النص الأصلي : MR.SAMO
طبعا كلنا محزونين على الي عم يصير بلبنان ومتعاطفين معه وحاسين بجرحه واللي بعتقده انو شعبنا ماقصر بواجبه تجاه اخوته اللبنانيين وشعبنا عض على جرحه ونسي الألم والاهانة اللي اتعرضها من قسم كبير من الشعب اللبناني واذا هيدا بيدل على شي بيدل على طيبة شعبنا وتضحيته واستعداده لمساعدة اشقائه اللبنانيين
وصدقني يأخ عباس انه لو سمح الله وكان الضرب والحرب الاسرائيلي على سوريا شعبكن اللبناني ماكن عاملنا متل مو عم نعاملكن هلأ لأنه للأسف قسم كبير كتير من شعبكن حاقد جدا على سوريا وعلى شعبها .
صحي بالحقبة السورية صار في اخطاء فظيعة بس الاخطاء بيتحمل نتيجتها المسؤولين اللبنانيين اللي عندكن قبل السوريين لأنه لو ماكانوا موافقين ماكان صار هالاخطاء وشعبكن حول القضية من قضية ضد الطبقة السياسية السورية الى ضد الشعب السوري .
وبرجع وبقلك ألف الحمدالله على السلامة والله محيي القديس حسن نصرالله ورجاله المباركين وانشالله بيرفع راسما بالعالي أكتر مما رفعه واهلا فيك ببلدك وبلد كل اللبنانيين سوريا السوريين لأنه شعبها هو حابب انه يساعدكن قبل حكومتها
تحياتي
|
ياعمي ياهيك الحكي يا بلا والله صدقت وحكيك حقو ذهب
وهادا الحكي الأصلي تسلم اديك يارب
وألف تحية الك ولكلامك الرائع
