اقتباس:
|
كاتب النص الأصلي : فلاش باك
معناتها صار النا دعم غير شكل 
عم تقولي انو بتحاولي تصدري اكتر ما تستوردي طيب واذا البلد يلي حكمتيها مافيها شي يعني لاثروات باطنية ومن الحديث شو بتسوي ؟ مع انو انا مو كتير مع الفكرة يعني في بعض الدول وارداتها اكتر من صادراتها ومع هيك الميزان التجاري رابح .
وبالنسبة للتثقيف مع حق 100% بس اذا الشعب مابدو يتثقف ويفهم شو منعمل
بس هي شغلة الحياد ماحبيتها منك بنوب وين النخوة والنشامة وعليهم ياعرب  شو صرلنا 15 يوم عم نحكي على الزعماء انو كل واحد ياربي نفسي وعلى قولة (حولينا ولا علينا ) بس انو الحياد ازبط من اللا حياد  بعدين شو هي يلا (عليهم يعني )
ملاحظة :عندك طموحات بتخوف والله
الله يستر |
(يلا = عليهم )
انا اقتصادياً ما بفهم فبدك تعذرني .. بعين وزير اقتصاد يجاوبك ..
وبالنسبة للتثقيف والتوعية .. شو عم يعمل جهاز المخابرات عندي.. بكسر رووس وبعبي هالثقافة برووسهم (عم بمزح ما تصدق).
كل شي عادة متل ما تعود العرب على اللاثقافة بتعودو عالثقافة..
أما سياسياً (قصدي ما بحشر أنفي باللي ما الي في) لانو من التجربة حشر الأنف بينعكس سلبياً دائماً.
لكن متل ما قلتلك .. اذا حدا اعتدى عبلدي (يا ويلو مني)
ملاحظة : طبعاً بخوف .. عندك شك !
كل جنون بينكتب بالدم ..