[فلاش باك]

كاتب النص الأصلي : Nirvana

هلأ اذا استلمت أنا محل حاكم عربي..

بطور اقتصاد البلد .. وبحاول أصدر أكتر ما أستورد ..(يعني ما صير دولة مستهلكة بل مصنعة).
بحاول وعي الناس وشجع الثقافة والفنون (أحسن وسيلة لتثقيف الناس).
سياسياً .. بحاول آخد موقف الحياد بما يناسب الظروف (إلا في حالة الاعتداء على دولتي )
وقتها بستشير رئيس هيئة الأركان ووزير الدفاع .. ويلا ..

هيي بدها هالقد . . ما بدها غير شوية كرامة وحب للبلد ..

بعدين مين قلك اني بقدر كون محل شي حاكم عربي.. (أنا مو مؤهلة لهيك شي)
بس بقدر قلك كيف الواحد بكون مواطن صالح .. وانسان حر اذا بدك ..

معناتها صار النا دعم غير شكل

عم تقولي انو بتحاولي تصدري اكتر ما تستوردي طيب واذا البلد يلي حكمتيها مافيها شي يعني لاثروات باطنية ومن الحديث شو بتسوي ؟ مع انو انا مو كتير مع الفكرة يعني في بعض الدول وارداتها اكتر من صادراتها ومع هيك الميزان التجاري رابح .
وبالنسبة للتثقيف مع حق 100% بس اذا الشعب مابدو يتثقف ويفهم شو منعمل

بس هي شغلة الحياد ماحبيتها منك بنوب وين النخوة والنشامة وعليهم ياعرب شو صرلنا 15 يوم عم نحكي على الزعماء انو كل واحد ياربي نفسي وعلى قولة (حولينا ولا علينا ) بس انو الحياد ازبط من اللا حياد بعدين شو هي يلا (عليهم يعني )

ملاحظة :عندك طموحات بتخوف والله

الله يستر