[minime1967]

كاتب النص الأصلي : yass

هون صعب نحدد....الوطنية مثل الصح و مثل الحقيقة....كلمات مطاطة جدا, يعني مثلا ما فيك تحكم على عارف دليلة مثلا أنو غير مؤهل...و الأستاذ ممكن يشرحلك هالشي أحسن مني كونه يعرفو شخصيا على ما أعتقد...
بس هون بهالنقطة لازم نرجع لضمير و تفكير و قناعة كل واحد..كون شخص ما معارض للبعث لا يعني أنو لازم أدعمو و كذا.......أنا شخصيا ماني منتسب حاليا لأي حزب سوري...لكن في انسان عظيم بالنسبة لألي و جدا بحترمو و أقدرو اسمو رياض الترك....بالمقابل نزار نيوف أبدا ما بحبو ولا أحب أساليبو, غيري يفكر عكسي تماما و أنا مجبور احترم رأيو...هون لازم نوصل, أنو يكون لكل واحد حرية اختيار افكارو و الاعتقاد بها...ضمن احترام حرية الآخرين. وأنا بعرف الدكتور دليلة بشكل شخصي والزلمة مو تبع ثورة وخلافه

للأسف حاليا مو هاد الوضع, لذلك ما فينا نفترض هالشي....الضغط "الأمني" عامل مهم جدا و ما فينا نحطو ع طرف. أنا قلت مصيرون ... يعني لو ماني بعرف أنو أنو الضغط الأمني موجود , كنت شفتني مسمي حالي غير أسمي اللي بعتز فيي؟

مقارنة البعث السوري بالاشتراكية خاطئة جدا برأيي....يا أخي مين قارن ؟ أنا قلت الأشتراكية المفصلة موزمبيقيا .. يعني متل ما أنت قلت كل حدا ألو وجهة نظر بالأمور .. وأنا عمبحكي عل الأشتراكية من وجهة النظر الموزمبيقية .. مع أنو معك حق بأنها ما بتتسمى اشتراكية ...

يمكن ما فهمت علي منيح....ما بيهم الأسامي...القصد أنو أمر مقلق أنو طالب جامعي ما بيعرف مين رئيس وزراء بلدو مثلا............. والله فهمت ياحبيبي .. أنا بحفظ أسماء هالكلاب وبضن اذا برجع عالجامعة هلا بنساهون ...ما بيشرف أي طالب جامعة بهالأيام أنو يحفظ هيك أسماء .. يعني مو نو الطالب غبي أو جاهل .. يعني السبب أنو الأسماء مقرفة .. مو قصدي الأسماء بحد ذاتها ... طبعا ...



تحياتي