اقتباس:
|
كاتب النص الأصلي : فلاش باك
كلامك 100%
بس في شغلة بدي احكيهابعيدة عن الموضوع يمكن وهي انو ليش العرب اخذو الموقف السلبي من حزب الله .
بظن انو العرب عامة والخليج خاصة خافو من الفكرة القديمة تبع ايران وهي (تصدير الثورة )ويلي على اساسها وقفو مع صدام حسين ضد ايران وبعدها ورطوه باجتياح الكويت وخلصو منو ب 2003
المهم يبدو حكام الخليج بلشو يحسو بتنامي الدور الايراني ببلادهم والترسانة النووية يلي بتملكها ايران
ومنرجع للموضوع الأصلي مشان شيعة العراق بالأضافة يلي حكوه الشياب في شغلة تانية انو شيعة العراق مقسومين قسمين قسم مرجعيته الدينية ايران(بم ) والقسم الثاني مرجعيته العراق (النجف +كربلاء ) يعني ايران ما بتمون كتير على القسم التاني
|
مظبوط كلامك الشيعة منقسمين حسب المرجعية الدينية العليا الى قسمين قسم ايران واللي هو الشيعة التابعين للحكيم والثورة الاسلامية والقسم التاني واللي هو التيار الصدري واللي تابع للصدر واللي بيعتبر ذو المرجعية العراقية الشيعية .
ولكل قسم توجهه واهدافه السياسية .
اما من ناحية تخوف العرب من ايران التخوف مرتكز على الاختلاف الطائفي وهيدا شيء ظاهر وتاني شي والاهم ماصار حوار صريح بين العرب والايرانيين حول دور ايران بالمنطقة والدور العربي بالمنطقة
عدم قيام الحوار راجع الى التفتت العربي وعدم وقوف العرب كقوة بارزة متل قوة ايران
اما الشيء الاهم فهو نجاح الثورة الاسلامية بايران نجاح ساحق سواء شعبيا واقتصاديا وصناعيا
ايران تصنع كل شيء ولاننسى قوتها النفطية وسيطرتها على المضيق الاهم بالعالم اللي بيتصدر منه 80% من نفط العالم
وبالمقابل بيقابله من الناحية العربية الفشل الذريع بكل شيء والاتكال زيادة على الخارج من اجل كل شيء
والظاهر امريكا عم تلعبها صح والعم سام عم يسمم اذا ماسمم عقول الحكام الخليجين لحتى صاروا يتقدوا انه الايران وكل مايمد لايران بصلة(حزب الله مثلا) هو العدو الخطر الشرس
والسعودية صارت عاملة ثلاث صفقات اسلحة مختلفة تقدر قيمتها ب80 مليار دولار من امريكا وبريطانيا وفرنسا لشو ماحدا بيعرف
تحياتي