[نمر سوريا]

في شوية حكي لازم يسمعه golan hights ...
انت يا أما عميل و خاين .. يا أما انك ما بتشوف غير بعين واحدة !
انت عم تقول انو حزب الله هو السبب ورا كل اللي عم يصير بالشعب اللبناني لأنه أسر جنديين صهيونيين ..
شوف يا حبيب : اللي بيسمعك عم تقول هالحكي بيفكر
انو اسرائيل بلد مسالم و ما عندها أي نزعة للعدوان و الاحتلال ...
بالله فيك تقللي كم مرة كان طيرانها الحربي يحلق فوق بيروت باليوم الواحد ؟
بعدين تعا قللي : كل هالعدوان و هالقصف هو مجرد رد فعل و ما كان مخطط له ؟
انت عم تقول أنو حزب الله تخلى في الصفقة السابقة عن اسرى الجولان ..
أول شي في المرة السابقة لم يكن الجنديان الاسيران لدى حزب الله على قيد الحياة فاكتفى بمبادلة رفاتهم بستين معتقل عربي .. 45 لبناني و 15 من جنسيات اخرى ... و بعد انهاء تلك الصفقة وقف نصر الله يلقي خطاباً حول العملية ( عام 2004 ) و قال ان مهمة الافراج عن باقي المعتقيلن لم تنتهي بعد ... و عزا سبب عدم الافراج عنهم لأن الجنديين الاسيرين كانا ميتين ..
و وعد بالسعي لأسر جنود صهاينة و وعد بأن يكونوا أحياء في المرة القادمة ...... و ها هو ينفذ وعده الصادق .
تاني شي نصر الله ما خلف السوريين و نسيهم لحتى يحرر اسرى الجولان .
انت عم تقول انو هم نصر الله و بشار الاسد و نجاد هو المحافظة على دفء كراسيهم .
يمكن اتفق معك بشكل نسبي بالنسبة للأسد و نجاد .... بس لا أنت و لا امثالك بيطلعلك تحكي عن نصر الله
قللي بس شو هو المنصب اللي خايف عليه ؟
رئاسة برلمان و للا حكومة و للا جمهورية و للا بلدية ؟
بعدين لمعلوماتك : أحمدي نجاد ضل رئيس بلدية طهران 3 سنين قبل ما يصير رئيس ايران .. و حالياً ممتلكاته هي: سيارة موديل الـ 66 و بيت مساحته 90 متر مربع .
انت عم تقول انو العيشة أفضل من الشهادة !
هادا الحكي بيدل على ضعف إيمانك ( شو ما كان دينك )
لأنو بكل الأديان الشهيد مكرم .
انت عم تتهكم لأنو بشار ما نزل جيشنا عالمعركة للدفاع عن لبنان . .
انا معك بهالموقف 100 % ...
بس لا تنسى انو الحكومة اللبنانية الحالية طالبت و بشدة خروج جيشنا من لبنان ... يعني مو معقول نرجع لحالنا و بلا احم و بلا دستور و بلا طلب من هالحكومة .
---------------------------------------------------------------
اللي أنا شايفو من خلال تصريحات ايران أنها تستعد لتنفيذ تهديدها السابق ( مسح اسرائيل عن وجه الارض ) بس هيي بدها غطاء قانوني دولي ...
و هالغطاء هو معاهدة الدفاع المشترك مع سورية ....
لهيك نحنا و هني ناطرين اسرائيل لتعتدي علينا و لو بصاروخ واحد .
--------------------------------------------------------------------------------------------------------------
انتبه !!!!!!! انا ما حكيت معك شي برا الطريق ( لحد هلق )