العلم في الصغر
لاحظ المسؤولين أنو 80% من الشباب عم يهاجرو من البلد و ما عم يرجعو أبدا. قامو قرروا أنو يعملو حملة توعية شاملة تبلش من الصفر و أوعزو للشباب الطيبة أنو يبلشو من صف الحضانة.
آمو هدول ما كذبو خبر و راحو على الروضات و فهمو كل المعلمات أنو لازم يزرعو الوطنية من الصغر عند الولاد و إلا رح يخربو بيتون.
في وحدة معلمة حضانة قررت أنو لازم تعلم الصغار الوطنية، فدخلت على الصف وقالت للولاد:
يا ولاد شو هيي البلد يلي من روح فيا على المدرسة و منلعب مع رفقاتنا و المعلمة بتعلمنا شغلات حلوة؟؟؟؟؟.....
سوريا صح؟؟؟؟
قامو الولاد قالولا أي صح
المعلمة: طيب شو هيي البلديلي البابا بيجبلنا فيا لعب و هدايا و بياخدنا مشاوير؟؟؟؟؟..... سوريا صح.؟؟؟
الولاد الهبل: أي صح
المعلمة: و كمان شو هيي البلد يلي الماما بتغسللنا فيا تيابنا و بتعمللنا كاتو و أكلات طيبة؟؟؟؟... سوريا صح؟؟؟
الولاد: أي صح
بس ولد من الولاد صار يبكي قامت أجت المعلمة لعندو و سألتو ليش عم تبكي حبيبي؟؟؟
قام جاوبا: بدي روح على سوريااااااااااااااااااااا اااااااااااا
|