[yass]

ياخي يلعن أبو الفكر الحجري شو لاحقني.... يعني اللي ما بيحب ايران صار بيحب اسرائيل.... من وين بتجيبو هالحكي؟؟؟ لا خيو , أنا أكره اسرائيل, و ما بحب ايران...فرحانين ع ايران يعني!!!!!
من التفاهة أنو سوريا مثلا تقاطع اجتماع على مستوى دول البحر المتوسط قال لأنو اسرائيل مشتركة...لك شو هالحكي يازلمة....روح و اجتمع و أثبت حضور, حسن علاقاتك مع ايطاليا, مع فرنسا, وووو..... شو بدك باسرائيل أنت؟؟؟

يعني هلأ شو مستفيدين من ايران؟؟ راح تجي تحارب معانا اذا لا سمح الله صار شي؟؟ لا و النبي...اللي صار أنو مصالح سوريا و ايران التقت بنقطتين اساسيتين : الأولى, العداء للعراق, و الثانية دعم الوجود الشيعي في لبنان....يعني مو لله بالله.

و يا أستاذ مينيمي عم بتحكي أنو رفض ايران هوي مغازلة للخليج, طيب , أنا لا بدي هاد ولا هاد....اساسا النظرية العربية ثبتلي نقضها من زمان , الحلم العربي صار كابوس...أنا الي بسوريا, من عين ديوار لمجدل شمس , ومن باب الهوى لدرعا....يتهنوا بالمحيط و الخليج..

أنا كسوري أؤمن ببلدي , بقدرة الشعب السوري بالنهوض بهالبلد اعتمادا على نفسو, بدون الحاجة لأحد...نحنا ما لازمنا لا ايران و لا روسيا ولا امريكا...لازمنا وعي وطني, لازمنا وفاق, لازمنا حكومة اصلاحية, حكومة تسير بهالطاقات بالاتجاه الصح....متل ماقال توفيق زياد , لازم نحرر أرضنا من ظلال العبيد, بعد ذلك نلقى عدونا العتيد..