اقتباس:
|
كاتب النص الأصلي : TheLight
انا يللي بشوفو انو يللي عم يصير هلق هو علاك فاضي وماراح يصير اي شي وحزب الله ماراح يرد غير بكم صاروخ ونحن هلق قدام عناقيد غضب جديدة
لا الجيش اللبناني ولا حزب الله بيقدر يردع اسرائيل
ويللي عم يصير هلق مانو لاحرب ولاشي لانو هي عناقيدغضب تاني ومتل ما سكتنا بااولى راح نسكت بالتانية
هلق الجيش السوري شو بيقدر يعمل ما حدا بيعرف بس انا يللي بتوقعوا انو نحن اضعف من انو نقدر نردع او نمنع اسرائيل تعمل اي شي
بيجوز يكون بدنا
بس ما فينا
اما بالنسبة للصمود والتصدي يللي بنحكي عنوو بسوريا فانا برأيي انو هاد كان من معطيات المرحلة السابقة
هلق بعض سقوط بغداد واحتلال العراق واغتيال الحريري صار خيار الصمود والتصدي هو خيار ارعن وضعيف لانو عمليا صار ضهرنا مكشوف وصرنا اضعف من انو نواجه
برأيي انو نعترف بخسارتنا دبلوماسيا وضعفنا عسكرياا ونبلش نفكر كيف بدنا نطلع باقل حجم من الاضرار مع انو هالشي بيدعسلنا بقلوبنا وبيكسر كرامتنا بس انتهى وقت المراجل والعضلات وصار لازم نبلش نشغل عقلنا شوي ونعترف بتفوق عدونا عسكريا
وبالنهاية كلنا بنحب سوريا لانو بلدنا وبنضحي بالغالي منشانها بس صار وقت نعترف بالهزيمة
اما بالنسبة لشعار سوريا الله حاميها فهاد شعار فارغ ومبتذل وصار لازم نستبدلو
|
في وجهة نظر ... بحترم رأيك ويمكن يكون واقعي ، بس صعب كتير الواحد يتقبلو !!!
كل جنون بينكتب بالدم ..