[COSTA]

كاتب النص الأصلي : Nirvana

بالنسبة للثورة فأنا اللي بقصدو أنو بس بأحلامنا بتصير في ثورة بتغير هالحال...
أما بالنسبة للتجربة السورية... يمكن في اختلاف بس صدقني العراق تجربتها ما بتختلف كتير..
وبالنسبة لباقي الدول (وما رح أحكي عن تجربة دول أمريكا اللاتينية اللي ما زالت تحت تاثير الانقلابات والثورات!! ):

بدي أسألك:
مين من الدول العربية للشعب فيها إلو رأي؟
مين من الدول العربية ما فيها الفساد والنهب والحرامية والاحتكار؟
مين من الدول العربية بيقدر حدا يعارض ويفتح تمو ؟
مين من الدول العربية في حرية رأي وتعبير ؟
مين من الدول العربية ما فيها بين كل واحد واحد ، واحد مخابرات؟
مين من الدول العربية السلطة مو لاعنة أبو الشعب؟
مين من الدول العربية ما فيو حيتان وواسطات و اللي معو قرش بسوا قرش واللي ما معو الله لا يردو؟
أنا لحد هلق بابا ببقى يقولي ما تحكي هيك وهيك على التلفون لانو مراقب... الناس كلها عايشة برعب ( الجيل اللي قبل ما زال تحت تأثير هالإرهاب والخوف، والجيل الجاي راسو فاضي)

مين اللي بدو يعمل ثورة، الثورة يا جماعة مو بس تنظيم (يمكن تفكيري رومانسي شوي)، الثورة ناتجة من روح الشعب الغاضب، اللي ما عاد يتحمل ظلم وقرف و.......... .

عكل حال انا بحترم رأي الجميع .. ويا ريت فينا نعمل 1/100000000000000 من اللي عم نحكيي ، أنا شخصيا بكتفي بهالنسبة عالأقل وبكون مبسوطةوعندي أمل.

آسفة للإزعاج.

قبل كل شي ما في ازعاج فليش تقولي اسفة انا بتقبل اي نقد لكلامي وما بزعل واذا كنت غلطان نبهوني عالغلط معليش
بعدين العراق عم تعاني من حرب اهلية وطائفية وما بعتقد انو كان النظام البعثي فيها بيختلف عن النظام البعثي السوري
وبالنسبة لدول اميركا الاتينية الثورة صارت بالدم عندون لانو من البداية ما سكتو
اما عن اسئلتك عن الدول العربية كلها متل بعضها ويمكن لبنان بيختلف شوي من ناحية ابداء الرأي فقط

وشكرا