أولا مشكور أبو النور عل الموضوع
أن شأنا أم أبينا المساكنة حالة بدا تنتشر بطريقة أو بأخرى و المجتمع معو معو و تدريجيا رح يبلش يتقبل هاد الشي و رح تصير المساكنة كتير مقبولة أجتماعيا بسبب عوامل كتيرة
- العامل التكنولوجي و التطور الكبير اللي عم يصير و يقدم دايما شي جديد فأدى أنو سواء الشب أو البنت عم يتعرفوا ع كلشي بوقت مبكر فصارت تتشكل الحاجات عندن بوقت مبكر
- العامل الأقتصادي و اللي قلو الدور الأساسي لأنو صار متوسط عمر الزواج عند الشب من 30 سنة وما فوق هي أذا قدر يتزوج
- العامل الأجتماعي اللي بالتدريج صار عم يتقبل فكرة العلاقة قبل الزواج بين الشب و البنت
بس هي العلاقة أكيد ما عم تكون نسخة طبق الأصل عن العلاقات المشابهة في الدول الأجنبية رح تكون مراعية للمجتمع الشرقي و اعلى الأغلب رح تضل يغلب عليها الطابع السري تجاه الناس اللي ما رح يتقبلوا
و هاد الحكي صار عنا منو كتير كتير بس طبعا بأشكال مختلفة بس حاليا هو منتشر بقوة
وبوجهة نطري أنو الواحد يكون ألو علاقة مع شخص بيحبو أفضل بمليون مرة من العلاقات القذرة المتداولة ببيوت الدعارة
تحياتي
م