اقتباس:
بدي اسألك سؤال يا جاد
هلق شو الفرق بين الدقيقة 1 والدقيقة 44
و شو الفرق بين الدقيقة 46 والدقيقة 90
|
مممم
عم تتبع اسلوب الخدعة بأسألت هاي هية الحال لما ببطل الواحد عندو شي يحكي فيه
خيو مافي فرق بين الدقيقة واحد والدقيقة 44
ومافي فرق بين الدقيقة 46 والدقيقة 90
لكن في فرق لما انك تلعب مع فريق مشاركتو متواضعة بالمونديال واتطح كل المبارات وبالاخير تجيب غول بالدقيقة ال 94 لك وياريت حايلة غول الغول من ضربة جزاء
يعني بالله يا زلمة كبر عقلك وحاجة بقا
لو حايلة فريق تاني غير ايطاليا (خلينا نقول البرازيل) جاب الغول بهالطريقة انت بالذات ما كنت سكتت. انت قلت عن فريق ربحان 5 مرات كأس العالم بانو ربحو بالحظ
يعني خليك صريح مع حالك مانا ولاد صغار وحاج تضحك على حالك
اقتباس:
|
يعني إذا الفريق فوت غول الدقيقة 2 بنقول لسا ما بلشت هاد مو غول
|
مين هيك قال؟؟ هاي انت ممكن تقولها اي معقول
اقتباس:
|
و إذا فات بالدقيقة 44بنقول اوف لسا حظ على اخر الشوط
|
كمان هاي انت ممكن تقولها. يمكن عم تلمح على شي, قولو لا تلمح تلميح بس.
اقتباس:
|
وإذا فاتت بأخر المبارة بنقول كمان حظ على اخر دقيقة
|
ما حدا قال حظ لاكن مبارات غير مستحقة
يعني فريق استراليا ضل عم يلعب المبارات كلها ويتصدى لهجمات فريق ايطاليا ويهجم غول ايطاليا
مشان ايطاليا بالدقيقة الرابعة من الوقت بدل الضائع تجيب غول ومن ضربة جزاء
اي عفوا لا مو مستحق ما بتستاهل تربح المبارات استراليا ما بتستاهل تخسر المبارات
وقت بيجي الغول مثلا بالدقيقة ال 50 المنتخبين بتتغير طريقة لعبهون بيتبعو تكتيك تاني
يعني مثلا هالفريق جاب هالغول بعد ما جاب الغول تغير تكتيكو وصار يدافع وحافظ على الغول
تبعو اوكي ممكن هالحكي لان هو دافع وحافظ عليه والفريق التاني ما قدر يعدلو (طبعا عادتا بتصير التبديلات بعد الغول الاول).
بس والله انو يلا خلصت المبارات رح شوط هالشوطة اجت اجت ما اجت ما رح اخسر شي لان خلص اللعبة
لعمى جبتها الله واكبر فوز مستحق فوز مستحق
لا اسمحلي مو فوز مستحق
اقتباس:
و لنفترض إنو صار تمديد للمبارة
بشوطين: السؤال هون هدول الشوطين مو مبارة نظامية متل الشوطين يلي قبلهن
يعني فوت اللاعب غول بأول دقيقة لما بأخر دقيقة لح نحط نفس الحجة
وإذا فوت الغول بنص المبارة كمان بنقول فازو بألف زور
|
بالنسبة لفازو بالف زور هاد مافيك تنكرو لانو لو كان الفريق التاني "فريسة سهلة" ما كانو اضطرو انو يوصلو للشوطين الايضافيين
يعني ما بعرف ليش انا بحاجة لاحكي هالحكي
نفس الشي بالنسبة لمبارات ايطاليا والمانيا
المانيا وايطاليا ضلو يلعبو بنفس المستوى كل المبارات والمانيا ضلت عم تتصدى لهجوم ايطاليا طول ال 119 دقيقة بقوم والله بالدقيقة 119 بيدخل غول
يعني اوكي غول وفازو بس كمان بدك تسمحلي بهاي
هاد مانو فوز ساحق متل ما انت قلت
اقتباس:
سؤالي يلي بيطرح حالو دقائق المبارة مو كلا وقت جاري متل بعضوا
ولو تأخر الوقت بدا تقل لياقة الفريقين سوا يعني الظروف وحدة على الفريقين
|
هاد الحكي بيمشي حالو بمبارات استراليا واليابان
وقت جابت استراليا تلت غول مستحقة على اليابان ابتداءا من الدقيقة ال 85
هون فينا نقول انو خفت لياقة الفريقين وبرافو على استراليا انو ما خفت لياقتها
بس يعني معلش استراليا لعبت مع ايطاليا ال 94 دقيقة بدون ما تخف لياقتها والغول ما اجا لانو استراليا خفت لياقت لاعبينها
ونفس الشي بالنسبة لالمانيا
اقتباس:
|
لذلك يا جاد ياريت ما تكون متل العالم يلي بتعلق من غير ما تفهم شو عم تحكي
|
من مشاكل الشعب العربي انو ما بيتقبل النقد
ومستعد يشوه التاريخ مشان ما يطلع خطأ
ومانو مستعد ابدا انو يعترف بخطأ ما بمعلوماتو
وكل حوار معو هو حوار عقيم
لو ما ضل عندو شي يحكيه ببلش يقاتل
حبيب قلبي انت تابع التحليلات الرياضية ونهار الاحد قبل ما تبلش المبارات الا ما يحطو ملخص عن مباريات الفريقين بهالمونديال
واسمع شو رح ينحكى
رح تلاقي انو مو بس انا اللي عم احكي هالحكي
كل واحد بتابع كرة قدم عم يحكي هالحكي