أنا وحدة ببيع شعارات وبصف حكي
أنسو كل شي بحكيو عن الأنسان المقدس والمدري شو ... انا طلعت ما بمت للأنسانية بصلة ... 
اليوم كان عندي معسكر بمنطقة بريف حلب ... فقر أكتر من أكتر فقر شفتو بحياتي ... ناس ما بتعرف أي معلومة صحية .. وحطت ثقتا فينا ...
بيجيك مريض سنو ممكن يتعالج ... بس نحنا اليوم دكاترة منقلع بس
منقلون ...أتركلك ياه ...ولا أأقلعو ؟؟ طيب شو هالمعادلة الصعبة هوي عم يموت من وجعو ... رح يقول قلعو
منجي لتاني حقيقة ...الآلة اللي بتعقم الأدوات ...معطلة ...لهيك رح نشتغل بدون تعقيم ...يعني بتقلع لكذا مريض بنفس الأداة مو مشكلة ...
الشعب صار عندو مناعة
ما في كراسي سنية ما مشكلة ... منقلع عالكراسي العادية ...
ما في ادوية مضادة التهاب .. ما في مسكنات ألم ..
في أمبولة تخدير وحدة للمريض .. يصطفل اتخدر أو لأ ... رح نقلعلو حتى لو لسى في وجع ..
أنا كنت عم شارك ... ما قلت كلمة ... ساكتة وعم شارك بالجريمة ...
لأ وبالأخر ... بدي أسمع هالناس البسيطة عم تدعيلي الله يعطيني العافية
يعطيني العافية على شو ؟؟؟
هيك انتجت بأول يوم معسكر انتاجي لألي ... هيك كنت عم اخدم الوطن (  هي للوطن مو للمعسكر )
|