[oliver68]

و الله صار اللي خايف منو، يا سيدي بعتذر منك و من كل واحد من جماعتك، ما كان لازم إحكي الواقع لأنو ما بيرضي بعض ناس، بس هادا الرد مو مشانك، مشان ريمي، اللي حاورتني بكل أدب و موضوعية، و كان فيني ناقشا أكتر، بس خفت شي حدا متل حكايتك يتدخل بيناتنا و ينزعا، وصار اللي كنت خايف منو.
مشان شغلة الإخوان، أنا ماني مضطر بررلك، بس بكرر مشان المؤدبة ريمي و مشان هالكام شخص اللي بناقشو بعقل و حكمة، انا ماني من الإخوان، أنا إنسان علمي، يعني حكيني بالعلم بفهم عليك، بعدين أنا مافي شيخ أو فقيه أو مفتي بهالدنيا بيخرط مشطي، لأن أغلبن إذا مو كلن بيحكوا بأسلوب أسطوري و متعصب و غبي، فأنا ما برد ولا على حدا منن، أما مشان اللي ساووا الإخوان بالزمانات، هي إذا كان صحيح، فمالازم ينرد علين بنفس الأسلوب، إنتي نسيان شو صار مجازر بحماه و غيرا؟؟؟!!!!!!!!!!!!!!!!!!بس إنتي مو نسيان، إنتي فرحان كتييييير، و هادا أكبر دليل على إنك متطرف و عنصري، مو أنا، و إذا عشقانو كل هالقد لرفعت، فهوي مطالع إشاعات إنو رح يرجع-الله لا يقدر- تتهنا فيه حبيبي، على كل حال، أنا مار ح رد عليك أكتر، لأن أسلوبك بين بالنقاش ، و بظن هلأ الكل بالأخوية رح يعرفوك عحقيقتك ، و الناس اللي متل حكايتك ما بيتحاوروا، لأن بدن ترباية من أول و جديد، بعتذر إذا دايقتك هالجملة، بس حبيت إحكيا للتوضيح و تبرير أسلوبك.
بس إنشالله مايجي شي حدا من الشباب اللي ما بوافقوك، و يردوا عليك بأسلوبك، بس أنا متأكد إنن أكبر من هيك، و مستحيل ينزل مستواهن.
مع كل الود و الحب لريمي ، صاحبة النقاش الموضوعي و العقلاني ، و إنشالله ما تأيدك بحكيك.