هاد ياسادة وياسيدات هون بدي احكي شوي عن مذكرات استاز من اساتذة المدارس عنا اسمو سامع المطنش
المهم الاستاز سامع هاد استاز نموذجي من اساتذتنا...... يعني فهم عميق للمناهج..... اسلوب راقي بالتعامل مع الطلاب...... واسلوب سلس وواضح بشرح وتوضيح المنهاج للطلبة الاعزاء
وهلأ رح نبلش بالحكاية الاولى من يوميات استازنا الكبير
دخل الاستاز سامع المطنش إلى قاعة الصف وعلى محياه ابتسامة صفراء وحيّا الطلاب صارخا بهم:
وقف ولك انت وياه
وقف الطلاب احتراما للاستاز ثم قال لهم جلوس فجلسو
امسك الاستاز بالطباشير الابيض وكتب على زاوية اللوح
الحصة: علوم
الدرس: تشريح السمكة
ثم جلس على كرسيه بعد ان نفض عنها الغبار الطباشيري....... وفتح حقيبته السوداء واخرج منها كتاب العلوم وقال للطلاب افتحو على الصفحة كذا
ثم بدأ يقرأ لطلابه الاعزاء محتوى درس تشريح السمكة قراءة واضحة وسلسة
ثم سأله احد الطلاب: يااستاز يااستاز هلق ليش السمكة الها غلاصم وانا ماالي؟؟؟!!!!
فأجابه الاستاز بكل رحابة صدر جواب علمي دقيق: ولك وله لانو الله خلقك هيك وخلقها هيك
