اقتباس:
حلو الكلام كتير وفي فكرة كانت مطروحة او مجرد موضوع
انو الايمان كتير بيساعدون للمؤمنين على تحمل ئصص وشغلات كتير بهالحياة
بدون ما نخوض بتفاصيلها وبيعطيون نوع من الامل لحياة تانية أكتر استقرارية وراحة
ومتل ما المؤمن ما بيسمح لحدا انو يجبرو عالالحاد نفس الشي الملحد او اللا ديني ما
بيحب حدا يجبرو عالايمان او بشي مالو مقتنع فيه اصلا وهاد الشي بيتطبئ عالطرفين
فالموضوع كتير بسيط انو كل واحد منا يحترم قناعات التاني وفي وئت منصل لنهاية هالحياة
وبيبين معنا شو بيصير بالاخير
وهاد الشي بيعطي كتير تسامح بين الايمان والالحاد
وانا مقتنع في شخصيا لابعد الحدود
وشكرا
|
كلام حلو كتير وبوافقك عليه
بس ليش بدنا ندخل باقي العالم بحياتنا الدينية؟؟
يعني فينا نحس بهالامان هاد بدون ما نحط مواضيع بالمنتدى من هالنوعية
فينا نحس بهالامان بدون ما ندخل غيرنا بحياتنا الدينية
ليش ما كل واحد يخلي ايمانو بينو وبين ربو
تخيل والله كل واحد بالمنتدى بدو يحط موضوع عن واحد من دين تاني غير دينو
وتخيل كمان كل واحد حط موضوع عم يدعي الناس لدينو
وتخيل لسى كل واحد حط موضوع عم يحكي فيه عن دين تاني
ولسى كمان تخيل كل واحد بلش يناقش باديان غيرو ويقلو انت كافر وانت زنديق وانت وانت وانت
حلنا بقى نتعامل مع بعض على اسس انسانية بدال الدينية.
انشالله تكون توضحت الفكرة انو المواضيع الدينية غير محببة
وليلي كل ما بينزل موضوع ديني بقول للكاتب برافو ونزل غيرو والحمدلله وشكرا الك
المرة الجاي يكون ردو يا ريت بلا المواضيع اللي فيها توجه ديني بالمنتدى