[oliver68]

عزيزتي ريمي، والله ما بدي شي غير مصلحة الوطن، و كل شي صار معي من قبل مو حالة خاصة، يا ستي حالة عامة، بعدين أنا ماني حقود!!!!!!!!!!!! يا ستي أنا بعتذر منك و من كل الطوائف بسوريا، بس كان قصدي إنو المسؤولين عنا بمشو جماعتن بس، يعني قرايبينن، يعني واسطة، مو شرط يكون علوي، يمكن يكون من أي طائفة تانية، أنا هادا كان قصدي، إنو بس اللي إلو حدا واصل سواء حزبي أو مسؤول؛ فأمورو ماشية تمام و عال العال، و ما في حدا بيسترجي يآرشو أو يوقفوا عند حدو شو ما عمل، و كتيير بعتذر إذا فهمت شي تاني سيدتي الغالية.
و متل ما قلتلك قبل كل شي صار معي من مواقف بسوريا مانو حالة خاصة، لسا أنا أرحم من غيري، بتعرفي إنو في ناس و كتار كمان صرلن 4 سنين مقدمين عالهوية و لسا ما استلموا؟؟؟؟؟؟؟؟؟قلتيلي ساكنة بالأردن، و أنا كمان مقيم بالأردن، عمرك سمعتي عن أردني حتى لو كان من أصل فلسطيني، تأخرت هويتو ولو أسبوع واحد؟؟؟؟؟ ليش؟؟؟ الشعب بيفهم أكتر مننا؟؟؟؟ ما فشروا، بس الحكومة تبعن ماشي منيح، مابدي قول 100% ولا 80% بس ماشي صح بنسبة 60%،أنا كان عندي شغلة بوزارة التعليم العالي، و الشغلة هاي بدها وقت و بس لغير الأردنيين، و كنت مستعجل، حكيت مع سكرتيرة الوزير، بحكم المعرفة اللي بيناتنا، بتعرفي شو ردت؟؟؟؟ رغم كل هالسنين اللي جمعتنا فيها قالت ما حدا يعرف إنو مشيت ورقتك لحالك بدون غيرك لتقوم القيامة و تقعد بالوزارة، وما مشتلي الورقة و ما مشتا، رغم الخبز و الملح اللي بينا، بتصدقوا هالشي يا جماعة؟؟؟؟؟؟؟؟؟ والله من يوما كبرت بعيني،و لو كان هالحكي عنا، بمجرد واحد منن و فين بتمشي، و طز بباقي العالم، يبلطوا البحر. بعدين في دكتور جامعة حكومية عندن بحط العلامات متل مابدو متل عنا؟؟؟ في دكتور بنجح اللي بدو ياه و برسب اللي بدو ياه متل ما بدو؟؟؟؟ ممكن يرفع علامة حدا مدعوم أو ينجحوا، هادا شي عادي و بصير بكل العالم حتى أميركا، بس مو على حساب طالب تاني انفتق من كتر الدراسة، عنا لأ، الواحد بينفتق من الدراسة و بدون الواسطة أو الرشوى، منيح إذا بينجح.، و غيروا ما بيعرف شو هاي الدراسة، بمجرد إنو علوي أو حزبي أو إلو واسطة أو غني بينجح و بيطلعلو منحة كمان، و اللي درس بيرسب أو بجيب علامة عالحفة.
و عمرك سمعتي بالأردن عن نفق أو جسر اشتغلوا في من سنين و ما خلص؟؟؟؟ لك جسر عبدون هادا المعلق الطويل اللي رح يخلص بشهر تسعة ما صرلوا 4 سنين، و التأخير عفكرة كان من المنعهد لأنو غش بالمواد، و وقفوا العمل بالجسر لحتى يتعاقب النتعهد و يعدلوا بالمواد، كلو مشان مصلحة المواطن الأردني، و مشان سمعة البلد، بس عنا النفق اللي قدام التلفزيون صرلوا 7 سنين و لهلأ ما خلص، شو بتسمي هاد؟؟؟ هاي سرقة و قدام الشعب، بيقلولك ك* أخت الشعب، شو جاينا منو غير وجع الراس!!!!!!!!!!!!!!!!!!!!!! بعدين المخابرات بالأردن فينن يقتحموا بيتك بدون إنذار متل عنا؟؟؟؟؟؟ الشرطي الأردني بيسترجي حدا يرشي؟؟؟ و الله يا جماعة هون بالأردن الشرطي إلو هيبة، و الله إذا خالف حدا، عوكش ما بيلغي المخالفة، ليش؟؟؟ لأن رواتبن طامرتن، هي غير الميزات لأنو شرطي، أما عنا الشرطي إنشالله لو كنتي ماشية عالمية بطريق عام حطيلي 100 ليرة بإيدو ببسلك إيدك و بيفتحلك باب السيارة كمان، و إذا صارت شي مشكلة بيهرب و بيعمل حالو مالو خبر، مرة كنت بحمص، شي الساعة 7 المسا قبال المشفى الوطني، زلمي كان رح يدعس مرة بدون قصد، قاموا الرجال اللي مع المرة راحوا بدن يدقو الشفير قتلة، آم طلعلن الشفير بمسدسو و هربوا كل الي كانوا موجدين، و الله العظيم الشرطي هرب و معاد بين، الظاهر حكى لحالو لا يقوم هادا مدعوم نجي نروح فيها، و بتقليلي في تطور؟؟؟؟؟
أنا لما استلم بشار الحكم و اسمعت خطاب القسم تفائلت، و قلت يمكن يتغير شي، رح يصرلوا 6 سنين و لسا الفساد متغلغل، لأ و زاد كمان، و بتقليلوا صبروا، إي لو بدا تشتي كان غيمت، شو بدك كمان؟؟؟؟ لساتك مصرة إنو الوضع بدو يتغير؟؟؟؟!!!!!!!!!! شلون بدو يتغير و لسا قانون الطوارئ اللي مالو فكاهة بنوب لساتو موجود، شلون بدو يتغير إذا بيطلع عفو عن المساجين السياسيين و تاني يوم بردوا بيعتقلون؟؟؟؟؟؟ قنعيني لشوف، كيف بدو يتغير و لسا رستم غزالي إلو كلمة بسوريا، كيف بدو يتغير و لسا الحرس القديم ما تغير، كيف بدو يتغير و لسا رامي مخلوف عميسرح و يمرح، و كيف بدو يتغير و لسا شعارنا "سوريا الأسد"، إيمتا بدو يتغير؟؟؟ بعيد الجوزة يعني؟؟؟؟؟؟؟
مشان الله بكفي نضحك عحالنا، خيرات بلدنا بتكفينا مليون سنة لقدام، بس مافي حكومة مقبلة، كلن حرامية، من الكبير للصغير، الله يفك أسرك يا حبيبتي يا سوريا.