[اميرة الظلام]

الشاب المتسلط
...احساسه بغيره متبلد...عنيد ..يحب نفسه ، رأيه لازم يمشي ، حواجبه دايما مقرونة..يشوف الكل غلط وهوّه اللي صح.
وفي النهاية تكتشف انه ماعنده سالفة...وأفيوزات عقله كلها تااااااالفة.

الشاب الطيب
حنون، لطيف، متعاون، يحب خدمة الآخرين ، قلبه طيب، وعادة ما يكون مظلوم ، والكل يشوفه خبل..وهو في الحقيقة ملاك ...بس للأسف ما يستهوي بنات هذي اليومين.

الشاب الطموح
مكافح، يبغى ينجح، بالطول بالعرض لازم يوصل للي يبغاه..في أغلب الأحوال جيبه فاضي...بس بعيشته راضي...عقله مليان، عاطفي بس ما ماعنده وقت..أنيق جداً، والبنات يموووووتوا فيه!!

الشاب المتهور
تلقهاه بدون ما تدوِّر، غاوي تفحيط، مايجيبه التمحيط ، سريع الحكم على الغير، مافيه خير، يشوف إنه جذاب، وغالبا ما يتعرض للاستغلال من قبل الجنس الناعم.

الشاب الأُلعباني
رومانسي، كلامه حلو...مرة مرة حلو، يعرف يظهر للأنثى محاسنها ، مهتم بلبسه وأناقته وبخاااصة عطره، سهل يقنعك باللي يقوله حتى لو ما صدقته ، كثير الشك في أهل بيته، فيه تسلط، محبوب من البنات( المهبولات)...وبصراحة...صعب التملص من شباكه!!

الشاب الساذج ( الدلح)
طاقيته على آخر هامته....كاشح 24 ساعة...متى ما تسأله تلقى الجواب واحد...هااااه...وش قلت؟؟ ما انتبهت؟؟؟؟ كل البنات يحبوه( هذا عقله يقول له)!
شاطر في المدرسة...بس في الحياة..أنسوا!!، طيب ...بس سوقه ما يمشي عند البنات.

الشاب الكذاب
عيونه مثل حبات ( البرجون) رايحة جاية بلا خاااتمة، كثير الحلفان، يكلمك وهوّه يتلفت...يخاف يسمعه غيرك من اللي يعرفوا إنه هلاّس...حنون جدا، ملامحه حلوة، هذار، الجلسات بدونه مااااااتصلح...محبوب من البنات ...( المسكينات يشبعهم هلس وهذرة).


الشاب المثالي(النموذجي يعني)
آسفة
معليييييييييييش
هذا النموذج تم ( شفطه ) من سوق الرجال...همّ ثلاثة ...أربعة....خمسة...ما يزيدوا عن كذا...وللأسف تم حبسهم في الأقفاص الذهبية....يعني معليش (هارد لك )يا زُمُل !!!

بس راح اعطيكم ( بعض ) مواصفاته...للعلم ...وصفق خمس على خمس!!
عاقل، مثقف، رزّة، معتز بالثوب والشماغ ..ماله في خرابيط شباب اليومين ذي...رومانسي موووووت، كلامه رقيق ومهذب، صارم، كثير الأصدقاء، كريم، محبوب، حسن المظهر، عطوره دائما مميزة وخاصة، حالته المادية...( مستورة والحمد لله!!!!) ، محب للحياة، مؤمن بالقضاء والقدر، واثق من نفسه ومن الآخرين.
أهم شي......نااااااااااااااااااا اادر الوجود


الشاب الاستغلالي
وسيم الملامح ، رياضي الجسم، عيونه حلوة، وجذابة، كلامه مثل سوق الأسهم مرة قمة ومرة حضيض!!
يعني...مرة يعرف يرتب كلامه ومرة تشرد منه الكلمات...ذكي جدا وفيه خبث، مرح..ويعرف من أين تؤكل الكتف!!
شاطر ويقدر يخرج اللقمة من فم السبع..حريص على فلوسه ..مستفيد من شلته اللي تحبه...يكفي إنه فلان بينهم!!

الشاب ( الإمَّعة )
معاهم.....معاهم......عليهم.....عل يهم
ما ينفع في شي..ولا يقدر على شئ...مع الغالب....أصحابه كل الناس، كل الأجناس، تحس إنه خبل ...قليل الكلام....كثير السلام....سريع الزعل...سريع الرضا...قلبه طيب وحسّاس جداً..عاطفي بس ما يقدر يظهر مشاعره....غالبا من ذوي الملامح المتوسطة الجمال.