اقتباس:
|
اكيد...هاد الضعف النفسي الي بشخصيتنا هالسوسة بتتغلب علينا....
|
عفوا منك بس في شي غلط بحكيك
اللي بيعلب قمار
ببلش على انها مجرد تسلية
الزلمة جايب معو 50 ليرة, اوكي؟؟
قال منلعب شوي منتسلى
حط ليرة, لعب, خسرها
قال يلا بحط ليرة تانية بعوض الخسارة وبروح
حط ليرة تانية خسرها
بعدين بقول لالعب هالدق وبعوض خسارتي بعدين بقوم بروح
حط ليرتين خسرهون صار معو 46 ليرة
بضل عم يلعب ببالو انو يعوض خسارتو ويقوم
الشغلة مجرد انو انا اجيت بدي اتسلى ليش بدي روح خسران
خليني بس رجع مصرياتي بعدين قوم روح
حط اخر ليرة وما ضل معو شي
رجع عالبيت اكلها قتلة من مرتو لانو روح المصاري
ومرتو حردت
رجع تاني نهار بدو يرد الخمسين ليرة مشان يصالح مرتو
رجع خسرها
وهكذا
هلق في عالم بروح يلعبو قمار حاطين ببالهون
هالخمسين ليرة ربحت فيها شي حلو كتير خسرت مافي مشكلة انا جاي اتسلى وبس
فما عندهون مشكلة مع الموضوع
بس هدول اللي مابدهون يخسرو المصاري (طمع او ماعندهون قدرة يخسروهون)
هدول اللي بيعلقو بالشغلة
بعدين مانها مجرد انو انا والله رايح اتسلى لالعب قمار
في ممكن الشخص يكون لعب بدون ارادتو
او ممكن ظرف خلاه يلعب وهو ما بدو او مو قدرتو يخسر ساعتها بكون علق بالشغلة
واللي بيعلق بهالشغلة صعب يطلع منها
المفروض مو انو نقول والله يقطع عمرو قمرجي ما بيفهم, الاصح انو نحاول نساعدو يتركو