شو بدك بطول السيرة
جملة محشورة داخل قصة يزيد عدد كلماتها عن 1000000 كلمة
بدك الصحيح ولاَّ إبن عمه
مقدمة لكذبة من الحجم العائلي
وماشفنالك إلا ..
موسيقى تصويرية قوتها 7.9 على مقياس ريختر لقصة سخيفة
وما كَذَّبِت خبر
عبارة لنفش العضلات وبداية لكذبة ورسم بطولات ما حصلت إلا بالخيال
إنت لسا ما بتعرفني
تقال عندما يشعر المتكلم أنه تبهدل وانمسحت بكرامته الارض
الله يستر عليها
تقال بعد نهاية كل قصة تم فيها نشر غسيل جميع بنات الحارة وصديقات بنات الحارة
اشتهيناك تكون معنا
تقال لحرق أعصاب المستمع وإذلال شعوره
أنا ، لا تواخذني بهالكلمة
مصطلح يهيؤك نفسياً لسماع شتيمة ولكن بطريقة مؤدبة
أنا والله مو فارقة معي
تدل على اهتمام المتكلم حتى الموت بالموضوع
سيدي ما علينا
نهاية الحديث البايخ الذي كان يتكلم فيه على غيره بما لا يخصه
عَيِّن خير أو قول إن شاء الله
بعبارة أخرى .... إنسى الموضوع ..
لا يروح فكرك لبعيد
يعني طنّش عن كل البلاوي اللي خبرتك عليها
والله لو عرفان ما كنت تركتك
عبارة لتسفئو ( تسفقه ) مِنِّيَّة ببلاش فوء ( فوق ) الكِمّ اللي أكلو