اقتباس:
|
كاتب النص الأصلي : بنت الاكارم
مرحبا
في عندي شوية اسئله بدها اجابه شو رايكم لو تساعدوني بالاجابه عليها 
شو رايكم بالبنت اللي بتقول للي بتحبه بحبك وبتعبرله عن مشاعرها تجاهه؟ 
ليش البنت بتشعر انها عملت شي غلط اذا قالت للي بتحبه اني بحبك ؟ 
ليش كمان بتحاول تخبي حبها عن كل اللي بتعرفهم مع انها نفسها تقول للعالم كله انها بتحب فلان؟ 
ليش الحب عنا مرتبط بالخوف ؟ 
خلاصة اسئلتي انه البنت عنا ما بتقدر تعبر عن مشاعرها واذا عملت هالشي بتشعر بندم وكانها عملت ذنب كبير وبتعاهد نفسها انها ما رح تعيدها مره تانيه .
لكن لما تشوف اللي بتحبته ما بتقدر انها تخفي مشاعرها تجاهه فبتصرح عنها وهذا شي عادي بس ليش الشعور بالذنب من هالشي وليش بتعتقد انه رح ياخد عنها فكره خطأ لانها قالتله عن اللي بداخلها  ? 
تحياااااااااااااتي
بنت الاكارم |
كالمعتاد كرومه بتكتب موضوعات كتير بحبا انا
شوفي كرومه.. انا برأيي انو البنت بتخاف تبدأ بالتعبير عن مشاعرها لسببين
اولا\ لأنو الشباب بالشرق هون معودين انو البنت بتنتظر لما ياخذ هو الخطوى الاولى وعليه بيفكرو انو البنت لما تبوح بمشاعرها انها متبجحه... وبتبقي العلاقة ما لها نهايتها الطبيعية (الزواج) لأن الشب بيشوفها عرضت حالها عليه يعني بدها تعرض حالها على غيرو..
ثانيا\ لأنو البنت بتخشي بكتير من الاوقات انو التلميحات ياللي بتشوفها من الشب البتحبو ما هي الا اوهام بخيالها يعني بيجوز يكون بيحكي هيك او يتصرف هيك من منطلق انو يكون شايفها غالية عليه
بس كأخت له
حابه كرر انو هيدا ممكن يكون مو صحيح عند الكل... هيدي بس وجهة نظري وياللي بشوفها بالمحيط ياللي حولي من اصدقائي
بس تعرفو... انا حصل معي هيك.... ما قلت لزوجي انو بحبو ولا هو كمان غير بعد الزواج
بس صدقوني الحب بيننا اصبح قوي كتييييييييييييييير
الصبر ينول الامل حبابي
وبعدين انا شايفة انو الحب مو بس كلمات بدنا نحكيها
لأنو العميحب عنجد صعبه تطلع منو كلمة احبك باللسان
لكن لسان الحال دايما عميكون ابلغ بكتير
بيكفي نظره من الحبيب تقول كل كلمات الحب ياللي ما اخترعوها لهلأ
اسفه للاطالة
تحياتي للكل 100