[المجاهد في سبيل الله]

كاتب النص الأصلي : krimbow

مرحبا اخواتي

فيما يخص المنبر
1- المنبر مكان للفكر الحر، بيراعي بشكل كامل "الاعلان العالمي لحقوق الانسان" و لا يخالف اي بند من بنودو

و من بنود الاعلان، حرية الاعتقاد، حرية الاعتناق، حرية التعبير

2- المنبر مكان يقبل اكثر الافكار تطرفا، لا يصادرها، و لا يعدل فيها

3- استثناءات
لاسباب تخصصية (يعني لتخصص المنبر عن باقي الاقسام، و باقي المنتديات)
أ: يمنع تنزيل مواضيع ذات صبغة تبشيرية
بـ: يمنع مناقشة العقائد الدينية

__________________________________

بخصوص الاطفال الارهابيين

طيب شو الحل؟
هل الحل بطرد الاصوليين من المنبر، او حتى من الاخوية ككل ؟؟؟؟
طيب و على فرض قمنا بطردهم، هل ذلك يعني انهم اختفوا من باقي المنتديات؟
هل ذلك يعني انهم ما رح يحضروا "الشريعة و الحياة"؟؟؟
هدول الناس موجودين، بالشارع، بالسوق، حتى بالجامعة

نحنا اليوم بعصر مجانية المعلومة
من محاسنها انها بتزيد الوعي عند عامة الشعب، و بتزيد ثقافتهم بشكل عام
من مساوئها :
1- غالبا بتكون المعلومات ذات نوعية رديئة (إشاعات، ما في مصادر موثوقة، أكاذيب تصل لدرجة الخرافات و الخزعبلات)
2- غالبا ما تساوي المتخصص صاحب التدرجات الاكاديمية (دوكتوراه، ماجيستير، الخ) مع ما يطلق عليهم "الطنابر"

سياسة الاخوية:
طالما هالناس موجودين بالواقع ... رح يكون في خلل ازا ما كان الهم على الاقل طيف او امتداد داخل اخوية
و وجودهم داخل اخوية بيعطي امتيازين
الاول: اننا رح نقدر ندرسهم، نتعرف عليهم عن قرب (و نطبق الحكمة القائلة: خلي صديقك قريب و عدوك اقرب) هلأ ممكن انو نتأثر فيهم و لو جزئيا، لكن المخاطرة ضئيلة
التاني: انهم رح ينعطوا فرصة حقيقية يحتكوا بباقي الافكار، و اكيد رح يتأثروا فيها و لو جزئيا
بالنهاية الاصوليين ما بييجوا من مجتمع منفتح و انما من مجتمع مغلق، خانق اي صوت عدا اصوات قياداتهم (متل البعثيين و الناصريين بستينات و سبعينات القرن الماضي)

و بالنهاية رح تكون الغلبة للفكر الاقوى و الاقدر على تلبية مطالب الناس

اصلا لو كان لدى ادارة اخوية شك واحد بالمية انو ممكن للفكر الاصولي او الوهابي او فكر القاعدة انو يصمد امام الفكر الحر (و ليس ينتصر، بل فقط يصمد) كنا حولنا سياسة الموقع لتوجه تاني

أخي كريمبو..
أنا أول مرة أسمع بأطفال إرهابيين..يعني كلمة كبيرة..سمعنا عن أطفال الحجارة..لكن إرهابيين ..نحن بنقول أطفال..بكل ماتحمل هالكلمة....
شو اللي دفع هالأطفال لعمل هيك عملة؟وهل صحيح أنو تاثروا بأبن لادن؟
القاعدة كم سنة لها الآن؟ومن قبلها الجهاد في أفغانستان ضد الشيوعية؟وفي فلسطين ضد إسرائيل؟
وامريكا الإرهابية كم لها سنة تقتل وتبيد وتحتل؟وعملها هاد مابيأثر على المجتمع ككل؟
يعني بالواقع لأزم يكون في سبب وراء عملهم..وما ننسى دور الإعلام بهالشئ وتأثيره عليهم..
ياليت أحد يتكرم ويوافينا بالخبر عنهم..وشو صار لهم؟؟؟

وسؤال الك خيو شو بتقصد بكلمة أصوليين..شو معناها وأصلها؟وحتى كلمة وهابي؟؟
ومافي شك أخي الغلبة للفكر الأقوى والصحيح واللي يقدر يلبي طلبات الناس..أنا معك بهي