[رماح]

بالنسبة لكلامك أخ كريم موضوعي مية بالمية وأنا ردي كان بمشاركتي وأي رد آخر رح يكون في تكرار
يعني وجهتين النظر انطرحو وبعتقد بموضوعية كفاية لأي طرف تالت

بس للتوضيح سناء محيدلي ليست أول الاستشهاديين بل سبقها 3 من حزب الله (الا اذا كان قصدك الاستشهاديات البنات)
الجنوب بأكثريته الساحقة شيعي وحتى ضيعتي اللي تعتبر مركز لمسيحيي الجنوب ذات وجود شيعي كثيف. أما انو الجنوبيين كانوا بأكثريتهم ينتمون الى الحزب القومي فهذا ليس دقيق لأنو أكثرهم كانوا مع الفصائل الفلسطينية أولا ثم أمل وحزب الله بشكل أغلبي ساحق.
أما عن البنج الموضعي فالعبرة في الجدوى وليس في الكمية. يعني صحيح بالعراق "المقاومة" قتلوا أكتر, بس ما مدى تأثير هذا القتل. وصحيح المقاومة اللبنانية قبل حزب الله يمكن قتلت أكتر, بس مش هون العبرة بانسحاب اسرائيل اللي مستعدة تقدم ارواح جنودها في سبيل انو تضل عم تسرق مياه وثروات لبنان. بس العبرة انو اسرائيل حست بانها بدأت تجابه مقاومة منظمة جدا جدا وتعمل على أساس تكتيكي متطور ومستمر في التطور وانو الانسحاب حاصل لا محالة. فقامت بنفسها بالانسحاب (تحت ضربات المقاومة) لسحب ذرائع حزب الله وجعله بموقع المواجهة مع المجتمع الدولي.

أخيرا بالنسبة لهادي نصرالله, حزب الله على لسان السيخ نصرالله ذكر القصة مرة واحدة وفقط واحدة حين بلش الكام عن انو حزب الله حزب ايراني سوري. أما حديث الشارع فهو مجرد حالة شعبية تعاطفية مع نصرالله. وفقط للعلم حزب الله والشيخ حسن رفضوا تسمية اوتستراد ببيروت باسم هادي نصرالله والسيد نصرالله قال انو انا مش اول مسؤول ولا آخر مسؤول سقط ابنو بالمواجهات مع اسرائيل.

أنا ما اردت ارجع افتح النقاش بعد ان طرحت وجهات النظر بس وضحت بعض الاشيا.
وبالنسبة للطشة تبع الكوبي بيست يعني انا كمان تعبت كتير بالكتيبة ما تفكر كل شي كان بهالتقنية المتطورة.
والسعادة الي اني عم بتحاور مع اكبر راس باخوية.