[javarmouna]

أحلى شي كان عندي صديقي وكان بيشكي ضيق احواله وصار له خمس سنين خاطب ومش قادر يجمع ثمن اجار البيت وتكاليف اتمام الزواج, وبنفس الوقت كان شاعل سيجارة شرق ام ليرة ونص وريحتها متل ريحة شحاطات بلاستيك محروقة.
وفي هذا الجو كنا شاعلين التلفزيون على قناة الجزيرة وطلع خبر التلفون ابو عشرة مليون, العمى حسيت الدخنة صارت تطلع من راس صديقي وعيوني صارت في راسو
وقال لي والله العظيم جاي على بالي اكسر التلفزيون
قلت طول بالك يا زلمة خلي ايمانك بالله كبير وصرت اهديه, طبعا انا خايف على التلفزيون بصراحة مو عليه
بس والله بعد ماراح زعلت كثير على هيك موقف يعني بالله معقولة واحد يدفع عشرة مليون ريال ثمن موبايل وشاب أو شباب كثر مش قادرين يتزوجو عشان مبالغ تافه وأنا واحد منم ويمكن انت واحد منهم كمان