[Abo rafik]

(ياأخ لهلوب احب أن الفت انتباهك الى أن الحيوانات تمارس الجنس فقط من أجل الأنجاب أما الإنسان فقد طور الغريزة الجنسية و جعلها من اجل المتعة ايضاً فجنس المتعة كان حصيلة تطور العقل البشري و بالتالي فجنس المتعة يؤكد إنسانيتنا و ليس بهيميتنا .........)
مين قال أنوالجنس ما فيه متعة وهوي بالمسيحية بس للانجاب؟؟؟؟بس الفرق بالمسيحية انومتعة الجنس :عطاء وليس أخذا"....وأكيد مفهوم الانسانية بيختلف من شخص لآخر يعني في ناس بيوصو بالقتل الرحيم والاجهاض...وانت ممكن توافق ع هالشي وممكن لاء...ومنشان هيك برجع بقللك انت فيك تفسر ع ذوقك ما حدا رح يقللك لاء بس لازم تفهم مظبوط شو رأي الكنيسة وشو قصدت بأي شي تكلمت عنو...وبالنهاية بترجع الك اذا بدك تقتنع أو لا...

(ولا تكون انتقائياً في اختيارك لإقوال بولص و تحيك انجيلاً جديداً اكثر انسانية وبولص يقول على سبيل المثال (لست آذن للمرأة أن تعلم و لاتتسلط على الرجل بل تكون في سكوت))
عم تتهمني اني انتقائي !!!! أرجع وأقرأ ردي مرة تانية...كما أحب المسيح الكنيسة :يعني حتى الموت....وبعدين اذا بولس أعطى للمرأة دور السكوت(في ذلك العصرورسائله بأغلبيتها كانت لتقويم انعواج الكنائس اللي كانت بالوثنيةوتثبيتهم وتعزيتهم...)فهيدا الشي ما بيعني قمع للحرية ...الحرية كما تفهمها المسيحية وهي الحرية من الغلط والخطيئة ...يعني في ناس كتير كانو عبيد وكانو مسيحيين وضللو بالحالة الاجتماعية عبيد اما من ناحية انهم مسيحيين (فهم أحرار...)يعني انا اذا حبيت مرتي وعملت كل شي بدها اياه وللموت معناتو انا عم حد من حريتها؟؟؟ولا معناتو انو انا حمار وما بفهم؟؟؟؟انا ما فيني افهم من هالكلام غير محبة ...بأقصى درجاتها...

(استحلفك بمقدسك كيف يكون الأقدس ليس أأمن كما تزعم........ وكلامك يعني ان كل من يتزوج لايريد الله و هذا ما أردت إثباته أنا في الدين المسيحي فشكراً لك )
يعني فيك تفسرلي مثل العذارى الجاهلات...يعني هني كانو عذارى....بس ما قدرو دخلو عملكوت الفرح والسلام ...!!!
وما اردت اثباته في الدين المسيحي بان من لا يتزوج لا يريد الله خاطىء ....يعني فيني اسألك الكاهن المتزوج:هيدا ما بدو الله؟؟؟؟وليش سمحت الكنيسة بالزواج للكهنة وليش لاء ؟؟؟لأنو الزواج ضد العفة!!!؟؟؟؟اذا هي هيي نظرتك للمسيحية ..انا بحترمها لانو الكنيسة كمان بتحترمها ...بس ياريت تتطالع أكتر من هيك وبكتب كنسية...لأنو المسيحية مش ايمان خفيف لهالدرجة اللي متصورها انت ....وشكرا" الك

(يبين فيه موقعها و علا قتها بالرجل فهذه لم تكن من ضمن رسالته التي كرسها للفقراء و العبيد وهذا اعتبره حنكة و حكمة من السيد المسيح لأنه )
هون برد عليك....:من كان منكم بلا خطيئة فليرجمها بحجر....(تذكر اتهامك الي بالانتقائية...)وبعدين مين قللك انو رسالة المسيح كانت للفقراء والعبيد(من الناحية الاجتماعية)


(فبولص هو المؤسس الفعلي لمسيحية اليوم )
استنتاج مذهل ....بولس اجا ليشهد للمسيح ولا تنسى انو بأول حياتو كيهودي حارب المسيحيين وقتل ناس كتير منهم (استفانوس أول الشهداء)شو اللي خلاه يغير رأيو؟؟؟؟ويقضي حياتو بسفر وتعب واصوام واهانات وموت منشانو هوي ؟؟!!ارجع اقرأ كتاباتو مظبوط بالرسائل...وتمعن مظبوط بفعل الروح القدس بالانسان اللي بيتخلى عن ذاتو منشان الله

(ياحبيبي ياقبضاي ممكن تفرجيني اخطائي)
طبعا"من وجهة نظرك وبالطريقة اللي بتفكر فيها انت ما عندك خطأ لأنو هيدا رأيك...وانت طرحت هيدا الموضوع ليش أصلا" ؟؟؟حتى تعبر عن وجهة نظرك.؟؟؟؟انا أول واحد بيحترمها بس مش معناتو انو كل شي اكتبتو عن المسيحية وشو بتآمن فيه صح....اما اذا كنت عم تكتب منشان تقول انك انسان مفكر واكتشفت شغلات غيرك مو مفكر فيها قبل..كمان انا أول واحد بحترمك وبقللك بكل محبة ما في غير الوقت بيبين الصح يعني كل شي بتآمن فيه بينعكس ع شخصيتك وتصرفاتك...انت حر وانا بحترم حريتك لانو الكنيسة(جماعة المؤمنين بمن فيهم بولص) هيك علمتني .....
ملاحظة :اذا كنت ما بتآمن بالله مو معناتو انو مانو موجود...
اتمنى لك كل خير بحياتك موفق والله يكون معك....
أخوك
أبو رفيق(لهلوب)