اقتباس:
|
كاتب النص الأصلي : Danito
بس من باب الملاحظة : LBC أعلنت انفصالها عن جعجع من كام يوم
ثاني شي: مع الاحترام الشديد للسيد حسن نصرالله ، بس فعلا البرنامج على مدى سنوات ما خلا شخصية ما قلدها
في خبر كتبوا فيه أنو الشخص اللي قلدوا قال بشكل ضمني أنو حزب الله رح يستخدم أي طريقة من شان ما يتخلى عن السلاح
هلق نحن هون مو بوارد نقاش حزب الله و دوره و سلاحه ابدا ، بس يعني عن جد البرنامج عرض كثير ناس و قلدهم و بخفة دم و أحيانا بجوز بسماجة ، يعني و هي الشغلة دارجة بلبنان، يعني ليش التشنج الزايد أكيد حسن نصرالله اكبر من برنامج فكاهي بس ليش لحتى يتم إظهار حزب الله و زعيمه على أنه حزب لا يقبل أي شكل من أشكال النقد أو الرأي المختلف؟ حتى نصرالله نفسه طلع على التلفزيون و طلب من العالم ترجع على البيوت
بجوز كون عم بحكي بمنطقة محظورة ، بس يعني عم حاول ابدي وجهة نظري بأنو خلي العقل يتغلب على العواطف و اعتقد أن ثورة الغضب و الاعتراضات اللي أجت على شكل أعمال شغب أساءت للحزب و لرمزيته كأيقونة للمقاومة أكثر ما اساء البرنامج
|
أنا متفق معك بجزء من كلامك ...
بس إنت إذا متابع لهالبرنامج من زمان ، كنت أكيد عرفت ليش قامت الدنيا عليه...
لأنو البرنامج تعمد إهانة نصرالله من خلال:
- المنظر غير اللائق أبداً .
- المسخرة على أهداف الحزب بإنو عم يهرب لقدام و بدو يتمشكل بأي شي و يخترع حيالله ذريعة حتى لو دكانة ومزرعة وتنور ومدري شو ...
- إنو الحزب متملق و مغرور لما قال إنو بدو يسقط الأقمار الصناعية ، وهي إشارة لآخر حديث لنصرالله و اللي قال فيه (إنو لما بيقول لسكان شمال إسرائيل بدنا نقصف ، بيقوم يهود القدس بينزلوا عالملاجىء) ، و بالبرنامج ... لما شفيقة سألتو كيف بدك تسقط الأقمار قلا : "هني بس يشوفوا طيارة التجسس تبعنا لحالن بيخافوا و بيهربوا !!! "
طيب... عم تقلي البرنامج قلد كتير شخصيات وهاد صح ...
بس المهم كيف قلدها ؟؟
يعني لما شفيقة بتلتقي مع بيير شمعون بيطالعوه كأنو " إله " و يقتصر التقليد على المنظر بوقت بتكون الحلقة نفخ وتبجيل وتأليه لهالشخص اللي هني من أتباعه !!!
حبيبي داني ...
إذا كنا منكره النظام فهاد ما بيعني إنو لازم ندافع عن هالحثالة إذا تهجمت على حليف لهالنظام
و إشارتك لإنو المتظاهرين أساؤوا للمقاومة ... هاي غلطة تانية إلك "بعد إذنك
"
لأنو بالعكس ... لما طلع نصرالله و خفف من الإحتقان وكمان مسؤولين الحزب اللي نزلوا عالشوارع يضبوا الجماهير ... كبر بعيون الناس أكتر وما قدر البرنامج و الحثالة الساقطة اللي بيمثلها إنو ينتقصوا من مكانة هالرجل .
إنت زلمة ثورجي"اسمحلي بالتعبير" بس مشكلتك إنت و رفقاتك "المعارضين" إنكن كرهتوا النظام لدرجة خلتكن تحبوا أعداءه وتكرهوا حلفاءه و هاد كتير كتير خطير ، ما بيصير نقول إنو "عدو عدوي صديقي"
و بتمنى من كل الشباب "المعارضين" يشوفوا التجارب الديمقراطية الغربية السليمة "السليمة هه، مشان ما ينطلي شي إخونجي تافه يقلي أبوغريب و غوانتانامو و بطيخ ..."
شوفوا وتعلموا ، مو عيب أبداً ...
و اسمحلي ذكرك بحادثة صارت مو من زمان:
لما تمكن زعيم اليمين المتطرف بفرنسا "جان ماري لوبين" إنو يوصل للدورة التانية من الإنتخابات ليواجه شيراك لأنو الأخير ماقدر ياخد ال50% المطلوبة لحسم الإنتخابات من الدورة الأولى في حين سقط منافس شيراك المفترض ورئيس الحكومة بوقتا" نسيت اسمه يمكن جان بيير رافاران " اللي صار إنو توحد اليمين مع اليسار لمواجهة اليمين المتطرف المنبوذ من قبل الناس الديمقراطيين طبعاًَ على اختلاف توجهاتهم ، وحتى شيراك نفسه دق ناقوس الخطر و طلب من كل الأفرقاء يواجهوا هالحالة الطارئة على فرنسا قبل أي خلاف حزبي داخلي ، مع إنو الزلمة كان لازم يكون طاير من الفرح لأنو ضمن الفوز بالرئاسة على إعتبار إنو خصمه ما رح يجيب أكتر من ال 19 % اللي أخدن بالدورة الأولى !!!
وهاد اللي صار طبعاً...
آسف لأني طولت بالرد .
أعـشق عـمري لأنـي إذا مـتُّ أخجل من دمـع حـبـيـبـتـي ... و أمـي
______
في حضرة الإمبراطور اليوفي و الأسطروة دل بييرو .. يركع الملكي المدريدي
______
احذروا قناة العربية
لأنها قناة حريرية عبرية أميريكية سعودية قذرة
همها الأوحد تشويه صورة سوريا العظيمة