[امرأة من ورق]

مشتاقة لسوريا ولناس سوريا اللي بحبون واللي بكرهون كمان
ومشتاقة لترابات سوريا وغبراتها وحاويات الزبالة المشلحة بكل محل واللي ريحتها بتوصل من عند الحاوية لعند الحاوية اللي بعدها
ومشتاقة للخبزة والزيتونة مع صحن اللبنة والجبنة وكاسة الشاي عالصبح....... وللمحاشي والكبب والمجدرة والفاصوليا و....... والاكلات اللي مابنخلص من عدها للغدا
هلأ اللي بدو يضحك عليي يضحك..... بس عن جد مشتاقة لكل هالشغلات والصغيرة قبل الكبيرة واللي كنت شوفها بشعة قبل اللي كنت شوفها حلوة