اول شي بدي رد على قيصر سوريا
انو مو كل بنت فقدت عذريتها رح تكون سايبة اخلاقيا ورح تسمح لكل رجل يمارس الجنس معها..... في كتير حالات عم تكون البنت فيها اغتصبت او تغرر فيها وهيي قاصر يعني كانت مسلوبة الارادة..... او احيانا عم تكون عملتها فعلا بارادتها بس بتكون بحالة حب حقيقي وبتكون على امل شبه اكيد من الزواج بس الرجل بيتراجع وبيتركها...... يعني ابدا مافيك تسمي هي البنت انها بلا اخلاق ومافيك تتوقع منها انو رح تخون زوجها...... وفي بنات مامارسو الجنس ابدا بس عندهم غشاء البكارة من النوع المطاطي اللي مابيبين فيه الدم وقت الممارسة الاولى..... طيب هي شو ذنبها انو يعييشها الرجل حالة من الشك فيها
وبعدين انا متل مافهمت من الموضوع الاساسي انو الكاتبة ماعم تطالب انو تنعطى الحرية للبنت انو تمارس الجنس قبل الزواج بس انو يتعامل الشب متل البنت يعني انو نلتفت شوي على سمعة الشب وماضيه متل مابنلتفت على ماضي البنت..... بس للاسف في قسم كبير من الشباب بيكون فلتانين بكل معنى الكلمة يعني فايتين بعلاقات الها اول وماالها اخر بس ماحدا بيهتم بالموضوع لانهم ذكور...... يعني ليش الازدواجية بالمعايير ......الجنس قبل الزواج اما حلال او حرام وعيب للكل
وعندي استغراب صغير من وردة بغداد الحساسة انو تطرح هيك موضوع..... يعني بذكر بموضوع قبل عن العاهرات واللي كان عم يتناقش كظاهرة اجتماعية ومع ذلك وردة بغداد تحسست من الموضوع واعتبرتو جرئ زيادة عن اللزوم ومالازم ينطرح ويتناقش ..... وهلأ طرحتي موضوع يمكن بيزيد عنو جرأة
بكل الاحوال تحياتي الك على خروجك من الحساسية والخجل..... لانو هاد الشي الصح انو لما نشوف الغلط نفتح عيونا عليه ونناقشو ونحاول نطلع منو بحل
