[المجاهد في سبيل الله]

كاتب النص الأصلي : امرأة من ورق

شكرا كتير أخي للتعاطف معي

بس الظاهر انك فهمت وضعي مع اهلي غلط شوي
اهلي ابدا مو متخلايين عني وهني معي بأي موقف...... يعني لو يعرفو أنو انا بأي وضع صعب مارح يقصرو أبدا لا ماديا ولامعنويا بس ببساطة انا اخترت لحالي اني كون مستقلة لحتى حس اني بشر ومو بس عالة على كتاف الرجال بالعيلة ولذلك أهلي لحد الآن ماعرفو اني مريت بكل هي المشاكل وخصوصا من الناحية المادية لأنو لو عرفو كانو ساعدوني فورا وهالشي انا رافضتو لأني بدي حس بالاستقلالية والقوة...... والحمد لله اني طلعت بالقوة الكافية اني اتخطى هي المشاكل لحالي

أما من ناحية عدم السماح للمرأة انها تسافر لوحدها كمان هي شغلة مافي افهمها..... يعني البنت المترباية تربية صح رح تكون بالقوة والأخلاق لأنها تعيش لحالها وتتخطى كل الصعوبات وتحافظ كمان على أخلاقها متل لو انها بحضن الأهل واكتر كمان

كمان مرة تانية شكرا كتير

لايا أختي مافهمتك غلط..
الله يخليلك أهلك ويخليك لهم..
واذا كنت أخترت هالشئ فالله يعينك على هالقرار...يعني مسؤلية كبيرة يتحملها الواحد بكل ماتحمل هالكلمة
وأهنيك على تخطي هي المشاكل لحالك..لكن تذكري أختي أنو من صحة ونفسية الإنسان
ومن ناحية السماح للمرأة بالسفر لوحدها..هيدا مبدأ الدين الإسلامي..ومابدي لأحول الموضوع لحوار...لكن حتى من ناحية العقل بنظري أنو شئ موسهل المراة تسافر لوحدها لأنها هي بحاجة لحدا يحميها ويوقف جنبها..سواء أب أو أخ أو زوج أو ابن...
يعني أختي أنت مترباية تربية صح وتحملي أخلاق وقوة وتحافظي على أخلاقك..يعني خلينا نقول رقابة ذاتية من الشخص نفسه...الإنسان بيزكي نفسه؟مونقول جل من لايخطئ؟ (وأنا مابقصدك)
وبعدين أنت بتضمني أخلاق غيرك؟؟بتامني على نفسك من الذئاب البشرية؟؟أو حتى اللي مومتربين؟يعني تربية شوارع؟
والله ياأختي أنا مابفرض رأيي ولا بتهمك..لكن عشت بالغربة..وفي دول كتيرة..وكانت البنت أوالمرأة اللي لوحدها طعم سهل لضعاف النفوس...كانت لنا جارة عجوز تركها أولادها تعيش في بيتها الكبير...وتتعرض للسرقة بشكل مستمر ولو قاومت لوقع الضرب على جسمها الهزيل
المرأة بطبيعتها تحتاج الي الرجل ليساندها في حياتها..لكن مايسيطر عليها ...
وفيه متل ماقلت نماذج رائعة لقدرات المرأة العاقلة في تخطيها وتحدي العراقيل..
على العموم أشكرك أختي على تقبل الرد على المشاركة..
والله يوفقك ويبلغك مرادك وهدفك..ويردك لأهلك ويخلصك من هالغربة اللي بتقتل