اقتباس:
الموضوع لم يكن دعوة إلى أعتناق دين ما .. بقدر ِ ما كان هو تبيان لشئ يهم أعضاء هذا المنتدى ؛ ففيه تبيان لشريحة كبيرة فهمت هذا الحديث بشكل خاطأ ,, ولعل ذلك الفهم الخاطأ أتضح في أكثر من نقاش في عدة مواضيع ..
ثم أن الموضوع المذكور لم يخالف الشروط التي دونت من قِبلِ ِ أحد المشرفين التي أوردتها من خلال حديثي في هذا الموضوع بالذات .. بل توافق معها ولعلك ترجع إلى موضوع الأخ المشرف وتتمعن فيه ..
نظرتك للموضوع هي الخاطئه أخي مع كامل أحترامي لشخصك ومنصبك ..
|
طيب حبيب
انا قريت الموضوع
وما اقتنعت فيه ما لقيت السبب المكتوب منطقي
وكنت بعد شوي رح ناقش بالحكي
وانت رح ترد عليي وترجع تناقشني بالحكي
وارجع انا ناقشك بالحكي
صار الموضوع حوار ديني
حبيب اذا انت مو متابع المنتدى هاي بقا المشكلة منك
صرنا حاكيين مليون مرة انو مواضيع دينية ممنوعة
اذا كانت دعوة ولا مو دعوة
هية عم تناقش اعتقاد لدين معين
وهاد صار اسمو حوار اديان
نحنا في عنا قسم اسمو حوار اديان
بس حاليا مسكر
يعني معنى هالحكي انو موضوع من بعدو رح يصير حوار اديان
فهاد ممنوع منعا باتا
طبعا مو مكتوب هالشي
لان ما رح يقلك المشرف موضوع طويل عريض ويكتبلك اسماء المواضيع اللي لازم تكتبها هون وما لازم تكتبها هنيك
في اقسام كتيرة بالمنتدى وفي تحت كل قسم شرح عن القسم
بس تشوف كلمة عالطاير, شي بديهي انك تعرف انو المواضيع اللي فيها مزح بتحطها فيه
بس تشوف كلمة فلسفة وعلم نفس, شي بديهي تعرف شو نوع المواضيع اللي بتنحط فيه
بس تشوف حوار اديان, كمان بديهي انك تعرف شو المواضيع اللي بدك تحطها فيه
وكون في قسم للحوار تبع الاديان شي واضح تمام انو هالمواضيع بتنحط فيه
ولما تدخل عليه وتشوفو مسكر
كمان من البديهي انك تعرف انو هالمواضيع ممنوعة بالوقت الحالي
ولسى بديهي اكتر الكل انو هيك موضوع رح يصير من وراه حوار اديان
الشي واضح متل عين الشمس
اذا انت ما انتبهتلو معناتها المشكلة من عندك