[me2]

أسوارة العروس

كلمات: جوزيف حرب & ألحان: فيلمون وهبي

أسوارة العروس.. مشغولة بالدهب..

وأنت مشغول بقلوب.. يا تراب الجنوب..

رسايل الغيّاب.. مكتوبة بالسهر..

وإنت بالعز مكتوب.. يا تراب الجنوب..

وبتولع حروب.. وبتنطفي حروب..

وبتضلك حبيبي.. يا تراب الجنوب..

اللي حامل ع كتافو.. زيتون وسنابل..

قلعة بحر صور.. صخرة جبل عامل..

اللي حامل وراق.. شعرا وعشّاق..

القمر مخبيلن.. لعراسن خواتم..

ما بيقدر يحمل ظالم..

وشوا ما إجا شعوب.. وشو ماراح شعوب..

كلّن رح بيفلّوا.. وبيبقى الجنوب..

لمّا بغنّي اسمك.. بشوف صوتي غِلي..

إيدي صارت غيمة.. وجبيني علي..

الشمس بتطلع سودة.. وبيبس الموج.. إذا بفكّر إنو.. ترابك مش إلي..

ويا شعب الشعوب.. الأقوى من الحروب..

بتبقى إذا ببقى.. يا شعب الجنوب..