اقتباس:
|
كاتب النص الأصلي : dot84
كيف بتنسو العمال السوريين يلي استشهدوا في لبنان.
|
يستر عرضك حاجة مزاودة بالأول مين نسي العمال السوريين بسوريا و خلاهم يتشحتفوا و يروحوا على لبنان يشتغلوا؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
و إذا عم تلمح عالبيان فالظاهر ما قريته
اقتباس:
|
كيف بتنسوا المسبات يلي عم تاكلا سوريا من اللبنانين.
|
هلق مشغول بالك عالمسبات سوريا أكبر من سفاهات السفيهين و ما بفكري سوى ربينا و شعب واحد في بلدين ؟؟ بس هي الحكومة اللي بتغير شعاراتها بأسرع من مسيرة التحديث و التطوير المزعومة مو غريبة عليها تصغر عقلها و تحطو بعقل كم قواد كانو مبارح يشتغلو لحسابا و يطبلولها و يظمرولها و اليوم صاروا يشتغلو لحساب حدا ثاني..
اقتباس:
|
كيف بتنسوا قديش قدمنا شهداء للبنان وبالاخير هيك عم يصير.
|
هون حبيب بدك تسمحلي و تسمحلي كثير يعني : أنتي شخصيا و لا المتاجرين بدم شهدائنا الأبرار ما قدمتوا شي و روح اقرا التاريخ مزبوط كيف كثير من جنودنا قدموا قربان سهل للأعداء و بالرخص و هن لما قاتلوا و استشهدوا كانوا عم يفكروا بوحدة البلدين
اقتباس:
كيف بتنسوا حكي جن بلاط على السيد الرئيس يلي بيمثل الشعب السوري اجباري على يلي بيرضا ويلي ما بيرضا.
|
اشرحلي ياها هي كيف زبطت معك ؟ أول شي الظاهر لانك قريان البيان و لا مين مصدروا و لا مين موقع عليه (مع العلم أنوا البيان مجرد مبادرة بشكل وثيقة و على قولة ياسين الحاج صالح مانها مقدسة و يمكن نقدها) و جنبلاط ما وقع عليها هي أول شي و هي حتى تنتقد سلوك أمثاله
ثانيا هي اجباري فيك تحكيها بس ما بتقدم و لا بتأخر
يستر عرضك ما حلو هادا الأسلوب حفظ كم عبارة و كم كليشة و كلما دق الكوز بالجرة منحكيهم، يعني إما انتقد انتقاد موضوعي أو لخصها أنك مع النظام قلبا و قالبا (تصطفل خيارك) و خاطئ أو مصيب (كمان مشكلتك) لكن لا يمنع أنو إذا كان خاطئ فحماسك و ترديدك للشعارات لن يغير الأخطاء إلى إنجازات
اقتباس:
|
كيف بتنسوا دعوة جن بلاط لاحتلال سوريا من قبل ما تسما امركا.
|
مرة ثانية جنبلاظ أنسان علاك و سياسي نخب عاشر و لذلك كان من جماعة سوريا سابقا و لفترات طويلة، ما بيهمني شو بيحكي لأنوا لا يبقدم و لا بيأخر ، و مرة ثانية إذا كان قصدك على البيان فهو لم يصدر و لم يمدح جنبلاط و لاسلوكياته و لا أمثاله على العكس صدر من أناس أحرار حريصة على البلدين و مصلحتهما
بالمحصلة كلامك كلو مزاودة بمزاودة إذا عن جد عندك رأي جوهري هاته أما إذا القضية مزاودة و طوشة عرب و قبائلية فلا تعذب حالك معي بالحوار