ممكن يكون
الجزء التاني .. لحلقـات ((
هـز يا وز )) ..
http://www.akhawia.net/showthread.php?t=33417
بعد معاناة .. و تردد ..
و لاحقـاً للحلقة الماضية من نشـاطي الرياضي .. و برغم
الصعوبات التي واجهتها في رياضة المشـي و الهرولة .. و التلطيشات المزعجة ..
قررت
مبارح اني
عيد المحاولة و انزل امشي
مرة تانية 
.. ((
كلو يهـون فـ الرشـاقة .. ))
هالمرة غيـّرت الطريقة .. بدل ما انزل امشي الصبح ..
قررت تكون الرياضة المسـا .. .. ..
حضرت العدة ..
تي شيـرت .. بنطلون رياضة .. كاسكيت .. و
ياللاااا ..
تحيا الرياضـة
..
شعوري بإني رياضية كان رائع لدرجة اني حسيت اني ممكن شارك ببطولة كرة القدم !! نزلت ممشوقة القوام .. و بخطواط عسكرية واثقة .. و مين يصدق !!
ولا تلطيشة !!
لحتى وصلت ع الجنينة اللي بأخر الطريق .. لقيت فيها كتير ناس .. و كان شكلها
عائلي ..
نسوان عم يلعبو رياضة ع
الآعد .. رياضة
النميمة .. شو طبختي و شوفي هي شو لابسة و حضرتي عرس فلانة ..
يعني شكلهن تعبو كتير !!
و
رجال ختايرة في سن
ما قبل الخرف بشعرة .. عم يتناقشو بأمور اللغة العربية الفصيحة !
و
صبايا ماشيين
بدلع .. و هي اول مرة بشوف رياضة المشي
بجزمة كعب 7 !!
كان في كمان وحدة
خرفانة مع
رفيقتها .. مادين
بساط ع الارض و عم يشربو شاي .. و كل ما مر من جنبهن اسمع وحدة عم تقول "
صار بسنة رابعة " و المرة الجاية تقول "
يعني هي رابع سنة " و بعدين "
لهلآ اربع سنين " .. يمكن كان
معلق السي دي !!
بس لا يخلى الأمر من بعض
الازعاجات بس بطرق
مسائية ..
يعني هـز يا وز شكلها كانت تلطيشة الصبح .. المسا بتكون التلطيشات غير !!
في كتير شباب قاعدين بمناطق مختلفة ..
عم يكشو دبان و كل واحد عم يكبـّس زرار
موبايلو كأنو التغطية
بس موجودة بهالجنينة !!!
و كل ما مر من جنبه .. يحطلي
نغمة متوافقة مع المشية
.. متل
( لك وين راااايحــه .. راحت تقمقش حطب ... علي الديك ) لما كون بعيده عنو ..
( مرة تانية بالصدفة شفتها مش عم تعرف تمشي كان كتير ضايق هالفستان .. .. ... فارس كرم ) ..
( وين الواوا .. ... .. ) بس ما لقيتلها مناسبة !!
برغم الصعاب .. تجاوزت الموضوع .. و كنت عم اتسلى و انا عم امشي و حاطة سماعات الووكمان .. بس بدون الوكمان
!! و الناس محسبة اني ماعم اسمع شي .. وانا عم اسمع كل شي !!
كه كه كه !!! تسليت و انا عم اسمع المواضيع المختلفة اللي عم يناقشوها العالم و انا عم امشي !! يعني
جاسوسة
!!! بس اطمنووو .. ماحدا حكا سياسـة !!
بعدين .. رجعت اتعشيت بطاطا مقلية و مايونيز و سندويش مرتديلا ..
بلا ريجيم بلا بطيخ !!
يعني باركولي .. صرت رياضية 
~ غـزول شـوكولاطـه سـويسـرية ~