ياس على عيني المعارضة... بس يا اخي بلا يتعاونوا مع اللبنانيين... خلص ما بقى هلق عند المعارضة شغل غير يوقعوا بيانات مع اللبنانيين و البيانوني... في ألف ترليون مشكلة بالمجتمع السوري... من تهديم بيوت للعالم بالشام... لفساد... لاقتصاد تعبان... فيهم يفضحوها و يعارضوها... لما المعارضة خلص ما بقى تعرف تشتغل إلا بالسياسة الخارجية تبع البلد؟
خلص يا اخي يحلوا عن رب العلاقات السورية اللبنانية و بيعرفوا انو هادا الوتر حساس جدا و بالوقت الحالي بالذات
يعني بصراحة مع اني ضد اي نوع من الاعتقالات التعسفية و مع حرية الرأي الكاملة و الكل بيعرف عني هالشي... بس هالمرة ماني متعاطف مع اي موقعين مع اعلان بيروت دمشق...
بصراحة يا شباب... نحنا كمان صار عندنا ادمان من مبدأ انو اي اعتقال بيتم على يد السوريين هوي غلط... بينما الحقيقية انو ما دايما غلط... و احيانا بيكون معهم حق... بس طريقة التطبيق هي طريقة تطبيق غبية و بتلفت النظر لانها بتم بهمجية و بتكتم
بينما مثلا فرضوا اميركا عندها علاقة سيئة جدا مع روسيا... و روسيا رايحة كل يوم عم توقع مع كوريا الشمالية بمجلس الأمن مشان يفرضوا عقوبات على أميركا... بيقوم بتجي معارضة أميركية عم توقع مع ناس من روسيا... على شغلات بتخص الداخل الأميركي... اي ما يلعن أبو %$%$ #%#$ هالمعارضة طيب؟؟ و الأميركان (او اي دولة) ما كانت اضطرت تتخذ اجراءات ضد هالمعراضة يلي عم تتفق مع اطراف خارجية... و هاي الاطراف الخارجية عم تسعى لإنزال قرارات مجلس أمن فينا؟؟؟
ذكرى مرور عام على وفاة الأديب العالمي سيبيري ماسكوليه 1932 - 2008
|