هلأ انا سعيدة وتمام التمام
بس بدي شوية حرية..... بدي عبر عن حالي بدون ماخاف انو حدا يقول هي بنت كذا وكذا وبدي عبر عن درجة ديني بدون ماحدا يقلي ياكافرة ويا بلا دين وبدي عبر عن حالي بدون ماحدا يلقطني ويحطني ببيت خالتي..... بس يعني فيك تقول عايشة بامان بعد مابكون كتمت انفاسي
انا متعلمة وخريجة جامعة من سوريا ادب انكليزي بس الله الوكيل اني بعد 4 سنين دراسة ادب انكليزي بالجامعة وبجد واجتهاد اضطريت اتعب على حالي بلاوي لحتى صرت احكي اللغة بطلاقة..... وفهمكن كفاية!!!!
انا شبعانة الاكل والحمد لله بس ناطرة الفرج لحتى فينا انا والحبيب ننتزوج والفرج هاد يابيجي يا مابيجي بس عم نشتغل عليه ولا يأس مع الحياة وناطرة وناطرة وناطرة
وانا والحمد لله مو فاقدة شي من حواسي يعني الي عيون وتم ولسان بس ممنوعة شوف الا شغلات محددة وممنوعة اسمع الا شغلات محددة وممنوعة احكي الا شغلات محددة بس الحمدلله يعني بشوف وبسمع وبحكي
سعيدة سعيدة سعيدة سعيدة