[marioma alghzayala]

اي لانو بنحبّك،ما حبّينا نتقّل عليكي .. خفّفنا .. خفّفنا .. خفّفنا .. قام ما زدلك اسئلة
يللا بسيطة

لاء مزح ، بس يمكن لسّه ما اجى الشعب ليستلمك

لنبلّش ....
- مريومة، مين هيي ؟!؟! خبرينا لمحة عنك وعن حياتك ( شو هواياتك / الاشيا اللي بتحبيها واللي بتكرهيها / شو اللي بيخليكي تفرحي وتنبسطي وشو الشي اللي بيزعلك وبيدايقك .. )
انا مرام بس بدلعوني رفقاتي مريومة .. خلقت بضيعة شرقي حمص مع عيلة بتجنن .. وعشت طفولتي ببيت جدي وكنت من عمر السنتين غني لفيروز وام كلتوم .. مع اني كنت اقرط بعض الحروف .. يعني بدال لسة فاكر كنت قول (يسه فاكي ) .. .. والحمد الله اهلي لهتموا فيي كتير ونمولي موهبتي وطلعت الاولى ع سوريا بالغناء .. .. اما هواياتي فهني غير الغناء العزف طبعا .. وبحب الرياضة مع اني ما كتير بمارسا حاليا بس بحب احضر مباريات ..
الشغلات اللي بحبا كتيرة واكتر شي الولاد الصغار .. ورفقاتي ..
الشغلات اللي بكرها : امممممممم ما في شي حاليا ببالي بس ما بكره شي عالعموم .. يعني شي بالعام ما بكرهو ...
الشي اللي بفرحني : رضا اهلي
الشي اللي بزعلني : كتير شغلات بتزعلني بس المشكلة انو انا من النوع اللي بيزعل وما بيظهر .. يعني بجوز بدقق عالجزئيات .. بس معا معا بتروح وما بضل شي بقلبي ..

- صحي .. سمعنا انّك بكالوريا - الله يعينك - ، شو اكتر مادة بتكرهيها وبس بدّك تخلصي منها ؟!؟

الفيزيا ثم الفيزيا ثم الفيزيا

- شو اكتر موقف محرج صار معك ؟!
يييي شو خجلت بس كان بيستاهل ... كنا مرة بسهرة وعزمني شب ع رقصة .. وكان سكران وريحتو بتقرف (بالاذن منكن شباب ) .. وبلش يحكي معي وانا بهديك اللحظة كرهت حياتي ... .. قام ما بعرف كيف هيك متل اللي تحركش فيي .. قمت ضربتو كف وطلعت مع بنت خالتي لبرا .. وصرت ابكي .. بس وقت اللي رجعت كتييير خجلت ..

- لو قالولك بكرا نهاية العالم ... شو أوّل شي بيخطر على بالك انّو لازم تعمليه ؟!؟ وشو الشي اللي رح تندمي انّو ما عملتيه ؟؟؟
اول شغلة بشوف ابي .. هوي الايام جاي وبعملا .. بس لو بكرا نهاية العالم كنت بندم اني ما عملت دورة السبانش .. ودورة الغيتار والغناء الشرقي ..

خلص حاجة ، شو الشغلة للشبع ...
لك هلا ديما