اقتباس:
|
الخطأ و الصواب مفاهيم خاضعة للمقياس المعتمد ...فاذا انا كنت بعتمد بالقياس على اسس مختلفة عن اسسك..رح يكون مفهومي خاطئ برأيك بنفس القدر اللي بكون في مفهومك خاطئ برأيي
|
إنت عيني هلأ اتفقنا
أما بالنسبة للحزب السوري فما حدا عم يقول إنو ما كان عندو أخطاء و حتى أعضاؤو ما بقولو هيك
و شي طبيعي يكون عند البعض اعتراضات على بعض فكرو و ممارساتو و إلا لكان الجميع انتسبلو
بس يعني إنك تتطلع على حوادث معينة بتاريخ الحزب و تلخص تاريخو فيها فهادا شيء أقال ما يقال عنو إنو ظالم
فمساعي الحزب لتحقيق النهضة السورية ما لازم تختصرا بعملية اغتيال الحزب مختلف عليها متل ما عم تقول
و إنما برصيد الحزب في عمل نهضوي بالمجالات الاجتماعية و الفكرية و الأدبية و أعلامو من الفنانين و الأدباء و السياسيين و الحقوقيين قدمو كتير للمنطقة و شاركو بتكوين وعي جماهيري سياسي و فكري و فني
اقتباس:
|
الخط الوطني ما بيعطي الحق لحزب ( اي حزب كان و مهما كانت افكارو معتقداتو ) انو ينصب نفسو قاضي على ابناء الوطن ... الاغتيال و القتل و الترهيب مانها احد طرق العمل السياسي المتعارف عليها بين ( الأحزاب ) .
|
معك مية بالمية و أنا من أنصار الحل الدستوري رغم صعوبتو الشديدة بظل الدساتير المبخوشة يلي عنا
بس يعني القصة يلي عم تحكي عنها كانت إذا ما نا منطقية فهي على الأقل أكثر منطقية من الوضع السائد بحينا
و الوضع الامنطقي لما بيفرض حالو بيستوجب أحياناً التخلي عن المنطق بالتعاطي معو
طبعاً هي حالة كتير متطرفة و لا يجوز تعميمها............ هه منشان لحق حالي
اقتباس:
|
انا بختلف معك تماماً ...حزب الله اللبناني هو حزب الله الايراني
|
هادا طبعاً رأيك و نحنا منحترمو و منقدرو و لكن احتفظ فيه بمكان أمين و لا تخلي الرطوبة توصلو
لأنو ممكن إذا رطَّب يخلل
و إذا خلل بضل فينك تستعملو بالفتوش.........
إي طول بالك عم بمزح يا زلمي :P
لاء الحقيقة هون وصلنا لنقطة الرأيين فيها واضحين و مختلفين و ما في أي مشكلة
و تحياتي أخي حشنشت
لطالما قلت أن الإنسان هو إنسان ما لم يتخلى عن كونه إنسان
لكني الآن أقول أن الإنسان يبقى إنسان حتى لو تخلى عن كونه إنسان، إذا بقي على وجه الأرض إنسان لم يتخلى عن كونه إنسان