1- ما هي خلفيتك الدينية (أيام الطفولة و المدرسة، الخ)؟
مسيحي ومسلم
2- هل لديك قانون شخصي للأخلاق؟ (مثال: ما تحب أن يفعله الاخرون لك، افعله بهم)
ليس كل شيء كما يبد وما بتعرف اذا بتصلح للاخلاق بس هيك انا الي وجهة نظر خاصة بهالكلمة ويصعب شرحها
3- ما هو موقفك من مسألة
أ) الاجهاض
انا معو بحالات معينة
ب) الابحاث العلمية بخصوص التناسخ
والله انا بحيرة بأمري بس الارجح بمخموخي انو لاء مافي تناسخ لانو التناسخ بيلغي فكرة الحساب بالاخرة لانو اذا الشخص منيح بتنتقل روحوا لشخص منيح واذا مو منيح نتنقل لحيوان او هيك شي ع حسب معلوماتي
ج) موانع الحمل
مع موانع الحمل
د) الجنس خارج اطار الزواج
انا ضدو
4- هل لوجهتك الدينية او الفلسفية اسم معين تفضله؟ ما هو؟
(أمثلة، ملحد، لاديني، لاأدري، مسيحي، مسيحي كاثوليك، سني، شيعي...)
مسلم فقط
5- إلام تعزو أفكارك الدينية/الفلسفية و النتائج التي توصلت إليها؟
اول شي للعقل
6- أجب بصدق: هل مررت أو هل تمر بمراحل تشك فيها بمعتقداتك الدينية و الفلسفية؟ هل يحدث هذا مرارا؟
طبعا ومرة غيرت بدرجة ما او خفت درجة ايماني لاني اخدت كم معلومات انا ما كنت جاهزز الها
بس لما فكرت فيها رجعت شوي شوي وهلق بعتبر حالي انو بملك فلسفة خاصة بهالموضوع ما حدا بيملكها بتمنى انو انشرها
7- هل أنت على نفس الدين/الفلسفة التي وُلدت عليها؟
لا كما اسلفت انو انا مسيحي وصرت مسلم بس لما كنت مسيحي ما كنت بوعى هيدي الفترة كتير منيح بس انا ما بقيت ع نفس الفلسفة الي ولدت عليها لانو بهالطريقة بكون مخي واقف وانا ما بحب هالشي
اذا كان الامر ليس كذلك، كيف تصف مشاعرك حين غيرت معتقداتك؟ خوف، فرح، قلق، ارتباك... ؟
ما بعرف هلق لما وعيت ع انو تغير معتقدي فكرت انو ليش ولقيت جواب طبعا بس في شي كنت حسو غريب انو لازم اعرف الشي الي كنت علي وعرفتوا وحبيتتوا واحترامتوا
8- سم أهم ثلاث كتب في حياتك الدينية/الفلسفية من ناحية تأثيرهم عليك و على أفكارك.
اعظم من نجار مابعرف اذا فلسفي هالكتاب
وكبرىاليقينيات الكونية وبعترف انو كفرت بالعبري لما قريت هالكتاب لانو فوت قدرة استيعابي
ولا للقدر كيف اكون حرا بتذكر انو وحدة شافتني عم اقرا هالكاتب وبلشت فيني بهادل ومسبات
9- سم أهم شخصية تاريخية او معاصرة غيرت نظرتك بالنسبة لفلسفتك الشخصية او الدينية.
بيجوز هو مو شخصية تاريخية بس هو رفيقي واسمو بشار غير نظرتي لكتير اشيا بفترة معينة
وبعدين رجع الموضوع عادي بس كشخص مشهور حبيت كلام نوال السعداوي للاسف الكل بيحكم عليها من الظاهر وما بيقرا شو بتكتب ليعرف شو بتكتب يعني بيسبوها هيك لانو الشيوخ بسبوها الاغلبية ما جربت تقرالها
ملاحظة: يُرجى استثناء محمد و المسيح، و إلا ستكون جميع اجابات الدينيين متشابهة.
10- هل تجد أفكارا جيدة او بناءة في دين او فلسفة مغايرة و مناقضة لك؟
انو ما فهمت كيف بناءة ومناقضة لي انا بالنسبة الي بلاقي افكار ما بتعجبني بمعتقدري بس بظن انو الها سبب مقنع لوجودها
مثال: اذا كانت ملحد، فهل هناك عبارة او فكرة في الانجيل او القران تعجبك؟
انا مو ملحد بس بيعجبني من الانجيل انتم ملح الارض اذا فسد الملح بماذا يملح
وانا بالنسبة اي القرآن دستور رائع ومتماسك لدرجة خيالية
و اذا كنت دينيا فهل تجد فكرة او عبارة إلحادية او علمانية تعجبك؟ الخ.
الدين لله والوطن للجميع بظن هي علمانية
11- كيف تصف موقفك السياسي؟
للاسف مو راسي ع بر لانو في اشيا كتير بتتغير بالسياسة بس في افكار رئيسية ما بتتغير
متل الحريات (ان كان معتقد - حزب -.......الخ)لازم تكون مصونة مع كرامة البشر
12- اذا كنت ممن غيروا دينهم/فلسفتهم، فهل قمت بإعلان ذلك على الملأ؟ كيف كان موقف الناس منك؟
اي طبعا كان هالشي على الملاء طبعا لما انا غيرت بالمرحلة للاحقة يعني لما كبرت وصرت شب وانا ما بخجل من افكاري وبطرحها بكا جرءة شو ما كانت
13- هل أنت متزوج من شخص لا يشاركك الدين او الفلسفة الشخصية؟ كيف تصف علاقتكما؟
انا مو متزوج بس بظن انو ما عندي مشكلة الارتباط بشخص ما بكون انا وياه منملك نفس الفلسفة او المعتقد بظن انو ممكن نكمل بعض
14- هل تؤمن بأمور فائقة للطبيعة؟
مثال: العرافين، ذكريات حياة سابقة، أشباح، رجال فضاء و صحون طائرة، الابراج، الخ.
اي بأمن بكتير اشيا متل الصحون الطائرة وانو في حياة بالفضاء اما العرافين والابراج هدول بيندرجوا تحت اسم العلم مو متل ما منشوفون هلق خطبة وزواج وعمل ما بعرف شو من هالعلاك المصدي بالنسبة الي
15- ما هو رأيك في الموت؟ هل تؤمن بالحياة الاخرى او بالتناسخ؟ أم أن الموت نهائي؟
الموت نهائي
16- اذا كنت تؤمن بإله، فما هو هذا الإله؟ هل هو شخص أم طاقة أم أنه هو و الكون واحد، الخ؟
هون صعب التخيل بس بسهولة بحس الله بيكون ضميري والحق لان الضمير هو عطول بيدي الانسان للخير وطبعا الله مافينا نتخيلوا بشكل محدد بس هو كنظرة ع فكرة من فترة حلمت حلم انو انا طلعت لعند الله وهو كان رجل كبير الو دقن طويلة بس حست بشي ماخلاني اتطلع بوششوا وحست انو في قوة غريبة بهالحلم وصحيت وانا مدري كيف ما بقدر اوصف شعوري بعد هالحلم
17- اذا لم تكن تؤمن بوجود إله، فما هو الإله الأكثر إحتمالا بنظرك؟
مثال: إله يرسل من لا يؤمن به الى الجحيم، أو طاقة عمياء، أو إله محب جدا لا يهتم بالدين و يرسل كل الاشخاص الجيدين الى الجنة بغض النظر عن ايمانهم... الخ.
انا بامن بالله وبظن انو الله ما بيأخد الانسان عافعالوا الي ممكن انو تصدر غصب عنو هو بيخاد بالقلب وبيقول الرسول محمد(أنما الاعمال بالنيات)
18- ما هي وظيفتك الحالية؟ ما هي الوظيفة التي ترغب بتجريبها غير وظيفتك الحالية؟
بشتغل بنت كافيه حلمي انو اوصل لهوليود وحلم ابليس بالجنة بس راح احكي ع الشي الوقعي بحياتي انو بحب كون بملك محل نت كافيه ما بعرف بيجوز حلم صغير واكيد بدو يتطور مع لاايام
وع عيني كل الشباب والصبايا