الأخ البعثحي الكهربجي الأمي
من وين استنتجت بعبقريتك الفذة أنو الشباب من حلفاء فريد الغادري
لمعلومات هدول أبطال
بس بدك مين يفهم ابطولي[/quote]
كلك ذوق.. إذا الديمقراطية أنك تشتم حدا بسبب... رأيو أهليييين!!!
والله البطولة أكيد بقدّرها بس بدّي أفهم بالأول... عطيني تعريف بيميز البطولة عن التهور
أنا حكيت أنو مو كل الشباب اتصلوا بالغادري بس قلت أنو كلن غلطانين لأنو بس بدّك تبني بلد ما تعمل شي بدون ما تكون واثق بالناس اللي عم تشتغل معون... و تحسب كل خطوة لقدام عشر مرّات...
اقتباس:
|
كاتب النص الأصلي : حسون
حاسة كهربجي الخامسي
|
لزيز كتير أنت... بجد مو مزح!!
لأ بربك عنجد عم تحكي؟؟
بجد إذا عنجد عم تحكي بيكون حرام الشرح... مع الاحترام الشخصي.. بالذات لأنك رفيق باليسار
اقتباس:
|
كاتب النص الأصلي : حسون
العمى
اذا واحد بعت ايميل لغادري صار لازم ينحبس
|
مو هيك... الموضوع أعقد... لما أنت بتعمل اتصالات مع جهة إلها علاقات مع إسرائيل (اللي بتوقع كلنا عندنا موقف معادي لإلها على اعتبار احتلالها للجولان) فأنت عم تعمل شي غلط... أنا مو ضد النقاش مع الغادري أنا ضد التعاون معو...
اقتباس:
|
كاتب النص الأصلي : نسر السريان
بعتقد أنو كريم وضح الفكرة ,
ولو كان صار تطورات أكتر بـ أتصالن مع الغادري .
أو مثلاً أذا تلقو دعم من برا ,
كانت الحكومة على القليلة صرحت بهل شي كـ سبب لأعتقالن
 |
أنا معك تماماً نسر السريان
اقتباس:
|
كاتب النص الأصلي : حسون
لا نكون نحنا المغتربين خونة كمان
|
لأ أبداً
أنا بعرف ناس ضلّو وقت طويل برّا منهن عدنان الحلو 37 سنة منفي وهو من نمذج المغتربين الوطنيين المعارضين... و بنفس الوقت في من المغتربين خونة مثل الغادري... يعني المغتربين بالنسبة إلي ناس سوريين متلن متل السوريين داخل سوريا فيهن الوطنيين و فيهن الخونة بس
مع فرق واحد أنهن شافوا الديمقراطية... و عايشين بنعيمها...
أخيراً بحب قلك أنو لأ أنا مو بعثي, لأ أنا معارض كمان, و صار معي أسوأ بكتير من اللي صار مع كتيييير عالم بسبب هذا النظام.... و إذا بتحب, أنا يساري, و عم صير ماركسي, لسّا لأ لأنو الفكر التحليلي تبع الإنسان الماركسي بدو وقت كتير لينضج... (وهي تنظيرة عالسريع شباب.. شلون؟)
و كمان أنا مو أمّي.... لأ بقرا كتير و بدرس بالجامعة.... فشكراً كتير لإتهاماتك أستاذ... أنا ما خونت حدا بس قلت انن غلطانين!! و راجع كلامي!!