[فلاش باك]

يعني للأسف شو بدي ئول .
أنا طلعت يوم الجمعة الله لايورجيكن يلي شفتو يعني مع أحترامي لكل الناس بس يلي الو علاقة ويلي مالو علاقة راح على المعرض .
المشكلة مو هون وكأنو الناس بحياتها مو شايفة معرض عجئة على الفاضي يعني اتذكرت أيام التمانينات يوم كانت العجئة على السكر والرز ..............................
هاديلي طالع يغير شكل والتاني مشان يتفرج على الصبايا والتالت أخذ ولادو مشان يشممن هوا والرابع متخانق مع صاحبتو وراح يراضيها هونيك وغيرو وغيراتو.
وأحلى منظر مجموعة شباب وبنات عم يلعبو لعبة (من غير كلام )والله منظر يعني عنجد بضحك .
طبعا أنا ماقصدي أمنع حدا من الروحة بس العجئة مو معئولة بنوب كانت .
يعني معرض متل هاد تخصصي بموضوع المعلوماتية .
منجي على المعرض أنا حضرت معرض سنة 2000 بمدينة المعرض القديمة (الله يرحمها ) يعني كان روعة من جميع النواحي التنظيم والمشاركة بعدين هيك معرض راحو شلفوه على طريق المطار ليش ؟ بغض النظر على المواصلات كانت موجودة أو لا يعني يلي بدي ئولو أنو هيك معرض لازم كيون بالمدينة .
بعدين شالفين كل قسم بديرة ليش ؟
ولافي تنظيم ولا هوى غربي مع أحترامي للشركة المنظمة بس هدول يلي واقفين عند مدخل كل جناح وشغلتو يقول لوسمحت حط البطاقة .
وفي شغلة تانية أنو في بعض الشركات ما بتعطي أسعار ليش بغض النظر على البيع .
وبالنسبة للأسعار ما كان في تخفيض أو حسم لأنو في كم شغلة سألت عنن وكانو نفس السعر خارج المعرض .مثال أنا اشتريت قبل المعرض 3 شاشات LG :M1717S وأخدت الوحدة ب 15000 ل.س وبالمعرض كانت 15450 ل.س .
ومنجي على قسم السورية للأتصلات وكان بدي شوف المهندس تبع الأنترنت ضليت 3 ساعات بالمعرض وسياتو ما شرف .
بس على كل حال المعرض كان وسط