هلا حبيب
ليش انا غريب ما فهمت؟
أخي أول شي كل البشر بالعالم بيعيشوا على المصاري. ما حدا رح يحب حدا لسواد عيونو.
اقتباس:
اذا افترضنا نموذج بسيط جداً للدولة ..بحيث انو في مصنع واحد بالدولة و كل سكان الدولة بيشتغلو بالمصنع وكلن بيشترو بس منتجات هالمصنع .
في خيارين قدام الرأسمالي صاحب المصنع ( و الرأسمالي هو شخص اعتباري يعني ممك يكونو شركاء ..اسهم شو ما بدك )
الخيار الأول يعطي رواتب منخفضة جداً للعمال ..بالتالي العمال ما رح يقدرو يشترو كتير من انتاج المصنع ..بالتالي رح يصير في كساد ...( بحكم انو العرض صار اكبر من الطلب ) و بالتالي صار في مشكلة عند الرأسمالي
الخيار التاني ..انو بيرفع اجور العمال و بالتالي رح يشترو اكتر من انتاج المصنع ( اكتر من حاجتن ..و هي قاعدة اقتصادية كمان كتير بسيطة بتقلك انو الطبقات ذات الدخل المحدود يزداد انفاقها بشكل كبير عند ازدياد مدخولها ) و بالتالي الرأسمالي عم يصرف انتاجو بسرعة والارباح دائماً عم ترجع الو .
كل هالشي ما لازم ننسى أنو ربح الرأسمالي هو عبارة عن القيمة الزائدة ....اللي هي حقيقة من حق العمال .
|
ثاني شي. نموذجك من البداية خاطئ لأنو في مافي هيك دولة او مصنع ابدا بالحياة. هاي بصراحة. الاقتصادي لما يحاول يفسر الحياة بيختار نموذج يكون أقرب شيء للواقع و يكون مبسط بشكل يقدر يفرض ثبات جميع المتغيرات إلا متغير واحد بيقوم بتعديله. بقى هيك دولة فيها مصنع واحد بيوظف كل أبناء الدولة... هذا شيء غير موجود أبدا و بتاتا... يمكن موجود بالاشتراكية و الشيوعية حيث الدولة بتسيطر على كل المصانع و المؤسسات المالية!!
بقى الحقيقة انك انت لحالك حكيتلنا عن الشيوعية... أو نموذج من نماذجها
هاي مانا رأسمالية يا صاحبي
اكيد العرض و الطلب موجودين و هني محرك السوق.. بس الطريقة يلي قدمتهم مانا صحيحة
الواقع انه بالمجتمع الرأسمالي بيكون في اول شي:
-كتير مصانع بتنتج نفس البضائع بأشكال و نوعيات مختلفة
-طبقات متنوعة من الناس: غني و أغنى, فقير و أفقر و متوسط.. إلخ
بالتالي المصنع يلي بيرفع أسعاره نتيجة زيادة الطلب على بضائعه, بيضحي بالزبائن. و الزبون يلي ما بيقدر يشتري هاي البضاعة رح ينتقل ليشتري بضاعة مشابهة ارخص من المصنع التاني
بالنظام الشيوعي و الاشتراكي هاي الطريقة ممحدودة جدا اذا مو معدومة. ما بتيخل الدولة رح تنتج اكتر من نوع من نفس البضاعة ... إلا اذا كانت حابة تصرف نوع على حساب نوع لغاية في نفس يعقوب... متل ما وارد جدا يحصل لانها المتحكم الاول و الأخير
ثاني شي.. و هاي نقطة مهمة بس طنشتوها
- في مؤسسات مالية: بتعطي المصنع مصاري, و بتبربح منه فائدة, و كمان بتتنافس بين بعضها. صاحب المصنع يلي بيعمل مصاري ما رح يحطا بجيبتو. المصاري بترجع على البنوك. البنوك بترج بتستخدم هاي المصاري لتدين مصانع تانية, او تعطي قروض للمواطنين. بالتالي مصاري جديدة دخلت على السوق و الناس صارت تفتح بزنس جديدة و بتدخل تقنيات جديدة... بيرتفع انتاج الفرد الواحد يلي كان عم يشتغل على آلة قديمة لانه صار يشتغل على آلة أحدث.. و بيتحسن المستوى المعيشي لجميع أبناء الدولة
المصاري و الشغل بالمجتمع الرأسمالي الحر بتجيب الشغل
و مشان القيمة المضافة
القيمة المضافة مانا من حق العامل
صاحب المصنع ما عم يجيب مصاريه من الشجر. صاحب المصنع و القائمين على هندسة البضاعة و تصميمها و التسويق و الدعاية... عندهم ضرائب و مصاريف و أصلا هني أصحاب رأس المال و هني يلي عم يغامروا برأس المال في مشروع اقتصادي. و هني المسؤولين عن تحسين التنولوجيا يلي هي العامل التاني المهم جدا للنمو الاقتصادي (العامل الأول طبعا هوي العمل و رأس المال)
الإنسان لما بيفتح مشروع... عنده ريسك دايما. اذا كان الريسك عالي جدا بحالة انو بأي لحظة يجوا ناس و يقوله هاي المصاري مو من حقك (كأنها من حقون هني). رح يبطل يفتح المصنع و يشتغل و بعمره ما رح يصير في استثمار... و طبعا بيحمل حالو و بيمشي على دولة تانية اكتر حرية!
و بالمناسبة... في حد أدنى للأجور و ما رح يقدر صاحب العمل يوطي السعر اقل من حد معين
اقتباس:
أما انك تقلي نقابات ...!!! نقابات شو ؟ لا تكون عم تحكيني عن الديمقراطية ....جو ..لا تكون مصدق عن جد انو بيقدرو يطيحو بالحكومة . Confused يا مان يطيحو بالحكومة قد ما بدهن ...شورح تجي حكومة غير شكل يعني ؟
|
طبعا في ديمقراطية و في نقابات. اذا الطلاب يلي بيشتغلوا مع البروفيسور بالجامعة عندون union و البروفيسور ما بيقدر يجبر الطالب هاد يشتغل اكتر من وقته حسب العقد. الا اذا كان الطالب حباب و ابن عيلة يمكن يحب يساعد زيادة
ما رح يطيحوا بالحكومة كلها هيك بثورة جسدية. اكيد ما هيك. أصلا الحكومة ما إلها علاقة بالبنك المركزي الكندي مثلا يلي بيطبع العملة النقدية... قرارات الحكومة مانا تعسفية. الحكومة مبنية من مؤسسات كبيرة و معقدة... متل مؤسسة احصائيات كندا... مؤسسة الدخل و الضرائب... و كلها بتشتغل حسب الأرقام و حسب اخر ما توصلت إلو النظريات الاقتصادية (و ما في و لا نظرية بتقلك اعتبر في مصنع واحد و كل الناس بتتشغل عنده... )
انا عم احكي لا من ايديولوجية و لا من شي.... في جمعيات حقوق انسان وجدت اول ما وجدت في اميركا بتعنى بأمور الأطفال ... نحنا عم نحكي اقتصاد
تحياتي
ذكرى مرور عام على وفاة الأديب العالمي سيبيري ماسكوليه 1932 - 2008