[Danito]

كاتب النص الأصلي : المجاهد في سبيل الله

حبيبي اسمي استمديته من الآيات التي كتبتها لك..

أنا ما سألتك من أين استمديت اسمك .. أنا سألتك من شان شو عم تجاهد (في سبيل الله بس يعني كيف عم تجاهد؟ ) و أنا جبت سيرة الاسم لأنو قلتلك يعني هادا اسم كبير .. عن جد بتعتقد حالك يعني معبا للأسم على الأخير ؟؟ يعني هذا من الأشياء التي أثارت فضولي

وانا أجاهد من منطلق الآيات..ولاأزكي نفسي

منطق الآيات ؟ بس أنت ذكرت عددة آيات نزلت بسياقات تاريخية معينة و ألها تأويلات متعددة

وكمان على حسب قدراتيوامنيتي من الصغر أكون مجاهد بالقلم واللسان والسيف..

بتجاهد بالقلم و اللسان و السيف .. و في سبيل الله لحد الآن ما فهمت بالتحديد شو بتعمل و ليش.. إذا حدا فهم فياريت يفهمني .. إلا إذا كنت أنت نفسك مانك فهمان تماما شو عم تقصد بكلمة مجاهد و جهاد..

والتشوية خيوا مو من الجهاد والمجاهدة...التشوية من أمريكا ومن والاها...وأذنابها من العلمانيين...والحاقدين على هذا الدين... ...وهاد اللي عندي خيوا...

هون بقى بدك تسمحلي و بدو يعلا صوتي شوي (أنا من البداية قلتلك ماني جايي صارعك و أنما عم اتحاور) بس أنت هون تطاولت و تطاولت كتير أنو الأميركان من الناس اللي شوهوا مفهوم الجهاد معك حق بس أنو كمان كتار من "المجاهدين" و غير المجاهدين ممن يعتبرون نفسهم في صف الجهاد، أيضا اساؤوا عن جهل أحيانا و عن تخلف أحيانا أخرى
أنا بعرف نفسي علماني، و فشرت أنت و غيرك تصفني أنا و غيري من العلمانيين بأذناب أميركا، أصلا أكثر من وقف في وجه الأميركان في أي بلد فهم من العلمانيين (من و ليس بالضروروة جميعهم) من سوريا بالخمسينات لفنزويلا لكوبا ، هلق بما أنو علي صوتي لازم أحكي كم نقطة:
- أول شي أنا كعلماني بمثل ذاتي، أصلا ما في حزب معين أو مجموعة منظمة اسمها العلمانيين، بل هي طريقة تفكير أو أسلوب فهم للحياة
- ثاني شي أنا قلت فشر مو لأنو بدي ولع المسبات بني و بينك بس لأنك تماديت إلى أبعد الحدود و تطاولت بناء على معتقداتك الخاصة .. يرضى عليك تاني مرة قبل ما تسلخ اتهام بهالخطورة على مجموعة كاملة من الناس بدون تمييز فكر فيها شوي ..
- بعدين و بما أنو الموضوع الأساسي عن البيت الأبيض و عملائه، و بما أنك جيرت الاتهام على ناس آخرين من الباب للطاقة شو معنى أذناب الأميركان، و كيف قررت أنهم أذناب الأميركان، طيب خلينا ناخذ أسامة بن لادن اللي قريت دفاعات عنه بهالموضوع، ما هو كان عميل الأميركان عم ينفذ مخططهم ببلد تاني ضد الروس.. أحداث أيلول فلم أميركي مفبرك لضرب أفغانستان اللي هي خطوة باتجاه العراق .. يعني بغض النظر عن تفسيرات بن لادن لما فعل فهو كان ذنب من أذناب و وسيلة في تجنيد غضب المسلمين و الفقراء من الشرق و إرسالهم للموت تفريغا لمشاعرهم
و حتى فلسطين لم تكن على أجندة ابن لادن و لا أي حدا من أمثاله حتى فترة قريبة لما تم ضرب بعض الصواريخ من جنوب لبنان على مبدأ ذر الرماد في العيون..
أصلا قضية فلسطين و العمليات الاستشهاية في فلسطين ما حدا شوها إلا أفعال بن لادن حيث حولوا القضية الفلسطينية من قضية سرقة أمة إلى قضية صراع أديان (إسلام و يهود و مسيحيين) و التي كانت 100% في صالح الإسرائيليين كون أوروبا تعاني من عقدة الذنب تجاه اليهود من جهة و كونهم تضرروا من ممن يسمون أنفسهم مجاهدين (إن كان بعضهم شريك بالمؤامرة أم مغرر به)

المعادلة ببساطة "جهاديين" و انتحاريين يضربون في الغرب.. هويتهم "مسلمين"
كل جهادي و انتحاري (بما فيهم في فلسطين المحتلة) هو إرهابي هدفه التدمير للتعبير عن رأيه
النتيجة ضرب مفهوم الجهاد ة تشويهه
الطرف الآخر للمعادلة : اليهود اضطهدوا من الأوروبيين
أقوى سلاح لدى الفلسطينيين المجرديين من حقوقهم و المضطهدين كان العمليات الانتحارية المدروسة ضد الأهداف العسكرية، كرد على الطاغوت الإسرائيلي العسكري
النتيجة لهذا الطرف: إلغاء مفهوم الصراع الفلسطيني الإسرائيلي ليحل محله مفهوم مخربين ضد إسرائيل

المحصلة الإجمالية للفوضى العارمة:
منطقة مشتعلة تطعم ابنائها شبابا و شيبانا حطبا للنار المقدسة و من هزيمة إلى هزيمة و إسرائيل باتت أحد الأطراف المتصارعة و التي لا تعاني كثيرا من المشاكل بينما الحرب على أشدها بين مجاهدي السنة و مجاهدي الشيعة و مقاتلي العرب و شجعان و الكرد و وحوش المارونيين و و و و كل يحارب من أجل الآلهة (على الطريقة الأميركية) مع أن الإله واحد..

و بدك ياني ما أتساءل شو قصدك بـ "المجاهد في سبيل الله"؟؟

وسلامتك

أي الله يسلمك